പന്ന: മധ്യപ്രദേശിലെ പന്ന ജില്ലയിലെ ഒരു കർഷകൻ, ഉയർന്ന നിലവാരമുള്ള വജ്രം ഖനനം ചെയ്തു. രണ്ട് വർഷത്തിനിടെ ആറാം തവണയാണ് ഇത്.
സർക്കാരിൽ നിന്ന് പാട്ടത്തിന് എടുത്ത ഭൂമിയിൽ നിന്നാണ് ഇത്തവണ 6.47 കാരറ്റ് തൂക്കമുള്ള വജ്രമാണ് ലഭിച്ചത്.
കർഷകനായ പ്രകാശ് മജുംദാർ വെള്ളിയാഴ്ച ജില്ലയിലെ ജരുവാപൂർ ഗ്രാമത്തിലെ ഒരു ഖനിയിൽ നിന്നാണ് ഈ വജ്രം കണ്ടെത്തിയതെന്ന് ഇൻചാർജ് ഡയമണ്ട് ഓഫീസർ നൂതൻ ജെയിൻ പറഞ്ഞു.
6.47 കാരറ്റ് വജ്രം വരുന്ന ലേലത്തിൽ വിൽപ്പനയ്ക്കെത്തിക്കുമെന്നും സർക്കാർ മാർഗ്ഗനിർദ്ദേശങ്ങൾ അനുസരിച്ച് വില നിശ്ചയിക്കുമെന്നും അവർ പറഞ്ഞു. ഖനി ഖനനം ചെയ്യുന്ന തന്റെ നാല് പങ്കാളികളുമായി ലേലത്തിൽ നിന്ന് ലഭിച്ച തുക പങ്കിടുമെന്ന് മജുംദാർ പറഞ്ഞു.
“ഞങ്ങൾ അഞ്ച് പങ്കാളികളാണ്. 6.47 കാരറ്റ് തൂക്കമുള്ള വജ്രം ഞങ്ങൾക്ക് ലഭിച്ചു, ”അദ്ദേഹം വെള്ളിയാഴ്ച മാധ്യമ പ്രവർത്തകരോട് പറഞ്ഞു.
കഴിഞ്ഞ വർഷം 7.44 കാരറ്റ് വജ്രം കണ്ടെത്തിയതായി അദ്ദേഹം പറഞ്ഞു. കൂടാതെ, കഴിഞ്ഞ രണ്ട് വർഷത്തിനുള്ളിൽ 2 മുതൽ 2.5 കാരറ്റ് വരെ ഭാരമുള്ള മറ്റ് നാല് വിലയേറിയ കല്ലുകളും അദ്ദേഹം ഖനനം ചെയ്തു.
അസംസ്കൃത വജ്രം ലേലം ചെയ്യുമെന്നും വരുമാനം സർക്കാർ റോയൽറ്റിയും നികുതിയും കുറച്ചശേഷം കർഷകന് നൽകുമെന്നും ഉദ്യോഗസ്ഥർ പറഞ്ഞു.
സ്വകാര്യ കണക്കുകൾ പ്രകാരം 6.47 കാരറ്റ് വജ്രത്തിന് ഏകദേശം 30 ലക്ഷം രൂപ ലേലത്തിൽ ലഭിക്കാൻ സാധ്യതയുണ്ട്. പന്ന ജില്ലയിൽ 12 ലക്ഷം കാരറ്റിന്റെ വജ്ര ശേഖരം ഉണ്ടെന്നാണ് കണക്കാക്കപ്പെടുന്നത്.
പ്രതികരിക്കാൻ ഇവിടെ എഴുതുക