Home COVID 19 കര്‍ണാടകയില്‍ 65 മലയാളി നഴ്​സിങ്​ വിദ്യാര്‍ഥികള്‍ക്ക്​ കോവിഡ്​ സ്ഥിരീകരിച്ചു

കര്‍ണാടകയില്‍ 65 മലയാളി നഴ്​സിങ്​ വിദ്യാര്‍ഥികള്‍ക്ക്​ കോവിഡ്​ സ്ഥിരീകരിച്ചു

ബംഗളൂരു: കര്‍ണാടകയിലെ കോലാറില്‍ ഒരു കോളജിലെ 65 മലയാളി നഴ്​സിങ്​ വിദ്യാര്‍ഥികള്‍ക്ക്​ കോവിഡ്​ സ്ഥിരീകരിച്ചു. കോലാര്‍ ഗോള്‍ഡ്​ ഫീല്‍ഡിലെ (കെ.ജി.എഫ്​) നൂറുന്നിസ നഴ്​സിങ്​ കോളജിലാണ്​ ​ഒരാഴ്​ചക്കിടെ ഇത്രയും പേര്‍ക്ക്​ കേസ്​ സ്ഥിരീകരിച്ചത്​.

രോഗം പിടിപെട്ട എല്ലാവരും ആര്‍.ടി.പി.സി.ആര്‍ നെഗറ്റിവ്​ സര്‍ട്ടിഫിക്കറ്റുമായി കേരളത്തില്‍നിന്ന്​ പ്രത്യേക ബസില്‍ കോളജില്‍ എത്തിയവരാണെന്ന്​ ആരോഗ്യമന്ത്രി കെ. സുധാകര്‍ പറഞ്ഞു. ആഗസ്​റ്റ്​ 18നാണ്​ 146 വിദ്യാര്‍ഥികളെ കേരളത്തില്‍നിന്ന്​ ബസിലെത്തിച്ചത്​.

ഇവര്‍ മറ്റുയാത്രാമാര്‍ഗങ്ങള്‍ തേടിയിട്ടില്ലെന്നതിനാല്‍ വിദ്യാര്‍ഥികളിലൊരാളില്‍നിന്ന്​ മറ്റുള്ളവര്‍ക്ക്​ രോഗം പകര്‍ന്നതാവാനുള്ള സാധ്യതയുണ്ടെന്നും മന്ത്രി പറഞ്ഞു. ഇവരുടെ കോവിഡ്​ സര്‍ട്ടിഫിക്കറ്റ്​ വ്യാജമാണോ എന്നറിയാന്‍ ക്യൂ.ആര്‍ കോഡ്​ സ്​കാന്‍ ചെയ്​ത്​ പരിശോധിക്കും.

Also Read :   ദിലീപ് അടക്കം നാലുപ്രതികളും ഫോണ്‍ മാറ്റി; സമര്‍പ്പിച്ചത് പുതിയ മൊബൈല്‍ ഫോണുകൾ; ഫോണ്‍ ഹാജരാക്കാന്‍ പ്രതികള്‍ക്ക് നോട്ടിസ് നല്‍കി