മസ്കത്ത്: ഒമാനില് കഴിഞ്ഞ 24 മണിക്കൂറിനിടെ 80 പേര്ക്ക് കൊവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. മൂന്ന് കൊവിഡ് മരണങ്ങളാണ് രാജ്യത്ത് പുതിയതായി റിപ്പോര്ട്ട് ചെയ്യപ്പെട്ടത്. 149 പേര് കൂടി രോഗമുക്തി നേടി.
ഇതുവരെയുള്ള കണക്കുകള് പ്രകാരം രാജ്യത്ത് കൊവിഡ് സ്ഥിരീകരിച്ചത് 3,02,748 പേര്ക്കാണ്. ഇവരില് 2,92,722 പേരും ഇതിനോടകം രോഗമുക്തരായി. 4,078 പേര്ക്കാണ് കൊവിഡ് കാരണം ഒമാനില് ജീവന് നഷ്ടമായത്. 96.7 ശതമാനമാണ് ഇപ്പോഴത്തെ രോഗമുക്തി നിരക്ക്.
കഴിഞ്ഞ 24 മണിക്കൂറിനിടെ 13 കൊവിഡ് രോഗികളെ മാത്രമാണ് ആശുപത്രികളില് പ്രവേശിപ്പിക്കേണ്ടി വന്നത്. ഇവര് ഉള്പ്പെടെ 91 പേര് ഇപ്പോള് രാജ്യത്തെ വിവിധ ആശുപത്രികളില് ചികിത്സയിലുണ്ട്.
പ്രതികരിക്കാൻ ഇവിടെ എഴുതുക