ന്യൂയോര്ക്ക് : ലോകത്ത് കൊവിഡ് ബാധിതരുടെ എണ്ണം ഇരുപത്തിരണ്ട് കോടി അന്പത്തിനാല് ലക്ഷം ആയി. വേള്ഡോമീറ്ററിന്റെ കണക്കുപ്രകാരം കഴിഞ്ഞ ഇരുപത്തിനാല് മണിക്കൂറിനിടെ 3.71 ലക്ഷം കേസുകളാണ് റിപ്പോര്ട്ട് ചെയ്തത്. മരണസംഖ്യ 46.43 ലക്ഷമായി ഉയര്ന്നു. ഇരുപത് കോടി ഇരുപത് ലക്ഷം പേര് രോഗമുക്തി നേടി.
അമേരിക്ക, ഇന്ത്യ, ബ്രസീല് എന്നീ രാജ്യങ്ങളിലാണ് ഏറ്റവും കൂടുതല് രോഗികളുള്ളത്. അമേരിക്കയില് നാല് കോടി പതിനെട്ട് ലക്ഷം പേര്ക്കാണ് ഇതുവരെ വൈറസ് ബാധ സ്ഥിരീകരിച്ചത്. 6.77 ലക്ഷം പേര് മരിച്ചു. മൂന്ന് കോടി പതിനെട്ട് ലക്ഷം പേര് രോഗമുക്തി നേടി.രോഗികളുടെ എണ്ണത്തില് മൂന്നാം സ്ഥാനത്തുള്ള ബ്രസീലില് രണ്ട് കോടി പേര്ക്കാണ് ഇതുവരെ രോഗം സ്ഥിരീകരിച്ചത്.5.86 ലക്ഷം പേര് മരിച്ചു.
പ്രതികരിക്കാൻ ഇവിടെ എഴുതുക