Home AGRICULTURE മാസം ഒരു ലക്ഷത്തോളം സമ്പാദിക്കണോ ?? തുളസി കൃഷി ചെയ്യാം

മാസം ഒരു ലക്ഷത്തോളം സമ്പാദിക്കണോ ?? തുളസി കൃഷി ചെയ്യാം

കോവിഡ് കാലമായതോടെ ആയുര്‍വേദ മരുന്നുകള്‍ക്ക് ആവശ്യക്കാര്‍ ഇപ്പോൾ ഏറെയാണ്. രോഗ പ്രതിരോധശേഷി വര്‍ധിപ്പിക്കുന്നതിന് ആയുര്‍വേദ മരുന്നുകള്‍ക്കു പ്രത്യേക കഴിവുണ്ടെന്നാണ് വിശ്വാസം. ഇന്ത്യയ്ക്കു പുറമേ മറ്റു രാജ്യങ്ങളിലും ആയുര്‍വേദ മരുന്നുകള്‍ക്ക് ആവശ്യകരേറെയുണ്ട് . ആയുര്‍വേദ മരുന്നുകളുടെ ഉല്‍പ്പാദനവും ഈ കാലഘട്ടത്തിൽ വര്‍ധിക്കുകയാണ്. എന്നാല്‍ ആവശ്യത്തിന് ആയുര്‍വേദച്ചെടികള്‍ ലഭ്യമല്ലെന്നതാണു വിപണി നേരിടുന്ന ഏറ്റവും വലിയ പ്രതിസന്ധി. ഇതോടെ ആയുര്‍വേദച്ചെടികളുടെ വില കുതിച്ചു. കുറഞ്ഞ മുതല്‍ മുടക്കില്‍ തുടങ്ങാവുന്ന ഏറ്റവും മികച്ച വരുമാന മാര്‍ഗമായി മാറുകയാണ് ആയുര്‍വേദച്ചെടികളുടെ കൃഷി. ദീര്‍ഘകാലത്തേയ്ക്ക് വരുമാനം ലഭിക്കുമെന്നതും ഒരു നേട്ടമാണ്.

 

ALSOREAD:10,000 സ്ത്രീകൾക്ക് തൊഴിൽ; ലോകത്തിന്റെ ഉൽപ്പാദന ഹബായി ഇന്ത്യയെ വളർത്തുന്നതിനു സ്ത്രീകൾക്കു വലിയ പങ്കുവഹിക്കാനാകുമെന്നും അവരുടെ കഴിവുകൾ പരിപോക്ഷിപ്പിക്കേണ്ടതുണ്ടെന്നും ഒല സിഓ ഭവിഷ്.

 

 

എല്ലാവരുടേയും വീട്ടിലുള്ള തുളസി തന്നെയാണ് ഇവിടെയും താരമായിരിക്കുന്നത് . കതിര് മുതല്‍ വേരു വരെ ഔഷുധഗുണങ്ങള്‍ കല്‍പ്പിക്കുന്ന തുളസി ആവശ്യത്തിനു ലഭിക്കുന്നില്ലെന്നാണ് ഔഷധ നിര്‍മാണക്കമ്പനികള്‍ വ്യക്തമാക്കുന്നത്. ചുമയ്ക്കുള്ള മരുന്നു മുതല്‍ ക്യാന്‍സറിനുള്ള മരുന്നുകള്‍ വരെ ആയുര്‍വേദത്തില്‍ നിര്‍മിക്കുന്നത് തുളസി ഉപയോഗിച്ചാണ്. തുളസിക്കു പുറമേ ഇരട്ടിമധുരം, തിപ്പിലി, കറ്റാര്‍വാഴ തുടങ്ങിയവയ്ക്കും ആവശ്യക്കാര്‍ ഇപ്പോൾ ഏറെയാണ്. ഇവയില്‍ പല മരുന്നുച്ചെടികളും ഗ്രോ ബാഗുകളിലും മറ്റുമായി വീടിന്റെ ടെറസുകളിലും വളര്‍ത്താവുന്നതാണ്. ഇത്തരം ചെടികള്‍ വളര്‍ത്തുന്നവരുമായി വലിയ തുകയ്ക്ക് കരാറിലേര്‍പ്പെടാന്‍ നിരവധി മരുന്നുനിര്‍മാണക്കമ്പനികളാണ് വിപണിയിലുള്ളത്. ഇംഗ്ലീഷ് മരുന്നുകള്‍ നിര്‍മിക്കാനും ഇത്തരം ഔഷധസസ്യങ്ങള്‍ ഉപയോഗിക്കുന്നുണ്ട്.

 

ALSO READ:ഭക്ഷണം ചൂടാക്കി കഴിക്കുക എന്നതാണ് നമ്മുടെ ശീലം. എന്നാല്‍, എല്ലാത്തരം ഭക്ഷണങ്ങളും ഇത്തരത്തില്‍ ചൂടാക്കി കഴിക്കാന്‍ പാടില്ല

ഏതൊരു ബിസിനസിന്റെയും പ്രധാന ആകര്‍ഷണം അതിൽ നിന്ന് ലഭിക്കുന്ന വരുമാനം തന്നെയാകും. ഔഷധച്ചെടികളുടെ ബിസിനസ് വഴി ഒരു മാസം കുറഞ്ഞത് ഒരു ലക്ഷത്തോളം രൂപ നിങ്ങള്‍ക്കു സമ്പാദിക്കാനാകും. ഇതിനായി നിങ്ങള്‍ 2.47 ഏക്കര്‍ സ്ഥലത്ത് തുളസി കൃഷി ചെയ്യേണ്ടി വരും. ഇതിനു വരുന്ന ചെലവ് 15000- 20000 രൂപ മാത്രമാണ്. കറ്റാര്‍വാഴ, തിപ്പിലി, ഇരട്ടിമധുരം തുടങ്ങിയ കൃഷികള്‍ക്ക് ഇതിലും മികച്ച വരുമാനം നേടിത്തരാനും സാധിക്കും. ഏക്കറുകള്‍ കൃഷി ചെയ്യുന്നതിനു പകരം വീടുകളില്‍ ലഭ്യമായ സ്ഥലത്ത് മുതല്‍ മുടക്ക് ഒന്നുമില്ലാതെ തന്നെയും നിങ്ങള്‍ക്ക് ഔഷധസസ്യങ്ങള്‍ കൃഷി ചെയ്യാം

.മുകളില്‍ പറഞ്ഞതുപോലെ ഔഷധക്കൃഷിക്ക് സഹായം നല്‍കാന്‍ നിരവധി കമ്പനികള്‍ ഇന്ന് വിപണിയിലുണ്ട്. മികച്ച രീതിയില്‍ നിങ്ങള്‍ കൃഷി ചെയ്യാന്‍ തയാറാണെങ്കില്‍ സാമ്പത്തിക സഹായമടക്കം കമ്പനികള്‍ വാഗ്ദാനം ചെയ്യും. എത്ര ഉല്‍പ്പാദനം നടത്തിയാലും ആവശ്യക്കാരുണ്ടെന്നതും നേട്ടമാണ്. പതഞ്ജലി, ഡാബര്‍, വൈദ്യനാഫ് തുടങ്ങിയ വന്‍കിട കമ്പനികള്‍ ഔഷധക്കൃഷിക്ക് പ്രോല്‍സാഹനം നല്‍കുന്നവരാണ്. ദിനംപ്രതി വില വര്‍ധിക്കുകയാണെന്നതും ലാഭം വര്‍ധിപ്പിക്കാന്‍ സഹായിക്കും.

Also Read :   നമ്പർ പ്ലേറ്റിലെ ‘സെക്സ്’ കാരണം പൊറുതിമുട്ടി പെൺകുട്ടി; ഇടപെട്ട് വനിതാ കമ്മിഷൻ

ഓരോ ഔഷധ സസ്യങ്ങളുടേയും കൃഷി രീതികള്‍ വ്യത്യസ്തപ്പെട്ടിരിക്കുന്നു. നടുന്ന രീതി മുതല്‍ വിളവെടുപ്പു വരെ മാറ്റങ്ങളുണ്ട്. അതിനാല്‍ ഔഷധക്കൃഷിക്ക് തയാറെടുക്കുന്നവര്‍ കൃഷി രീതികള്‍ ആദ്യം മനസിലാക്കിയിരിക്കണം. സര്‍ക്കാരിന്റെ കീഴിലുള്ള കൃഷി വകുപ്പുകള്‍ വഴി സഹായങ്ങള്‍ ലഭിക്കും. മികച്ച രീതിയില്‍ കൃഷി ചെയ്യാന്‍ താല്‍പര്യപ്പെടുന്നവര്‍ക്ക് തിരുവനന്തപുരത്തുള്ള സംസ്ഥാന ഔഷധസസ്യ ബോര്‍ഡിന്റെയോ, കോതമംഗലം ഓടയ്ക്കാലിയില്‍ പ്രവര്‍ത്തിക്കുന്ന ആരോമിറ്റിക് മെഡിസിനല്‍ പ്ലാന്റ്‌സ് റിസര്‍ച്ചിന്റെയോ സേവനം ഉപയോഗപ്പെടുത്താം. മികച്ച വിത്തനങ്ങളും ആവശ്യമായ മാര്‍ഗനിര്‍ദേശങ്ങള്‍ക്കും വിപണികള്‍ക്കും ഇത് സഹായമാകും.