കൊച്ചി: ഭാര്യയുടെ വിശ്വാസ വഞ്ചന ചൂണ്ടിക്കാട്ടി വിവാഹമോചനം ആവശ്യപ്പെട്ട കേസില് കുട്ടിയുടെ ഡിഎന്എ ടെസ്റ്റ് നടത്തണമെന്ന ഭര്ത്താവിന്റെ ആവശ്യം അംഗീകരിച്ച് കേരള ഹൈക്കോടതി. ഭാര്യയുടെ സഹോദരി ഭര്ത്താവാണ് കുട്ടിയുടെ പിതാവ് എന്നാണ് പരാതിക്കാരന് ഉന്നയിക്കുന്നത്
ഇതിലാണ് ജസ്റ്റിസ് മുഹമ്മദ് മുഷ്താഖ്, ജസ്റ്റിസ് കൗസര് എടപ്പഗത്ത് എന്നിവര് അടങ്ങിയ ഡിവിഷന് ബെഞ്ചിന്റെ വിധി.
വിവാഹ സമയത്ത് പരാതിക്കാരന് പട്ടാളത്തിലായിരുന്നു. വിവാഹം കഴിഞ്ഞ് 22 മത്തെ ദിവസം ഇയാള് ജോലി സ്ഥലത്തേക്ക് പോയി. അതിനിടയില് ഭാര്യയുമായി ശാരീരിക ബന്ധം ഉണ്ടായിട്ടില്ലെന്ന് ഇയാള് ഹര്ജിയില് പറയുന്നു.
തനിക്ക് വന്ധ്യതയുള്ളതിനാല് കുട്ടികള് ഉണ്ടാകില്ലെന്ന മെഡിക്കല് റിപ്പോര്ട്ടും ഇയാള് കോടതിയില് ഹാജരാക്കി.
കുടുംബ കോടതി ഡിഎന്എ ടെസ്റ്റിന് അനുമതി നല്കാത്തതിനെ തുടര്ന്നാണ് പരാതിക്കാരന് ഹൈക്കോടതിയെ സമീപിച്ചത്. പരാതിക്കാരന്റെ ആരോപണം പ്രഥമദൃഷ്ട്യാ നിലനില്ക്കും എന്ന് പറഞ്ഞാണ് കോടതി ഡിഎന്എ ടെസ്റ്റിന് അനുമതി നല്കിയത്.
പ്രതികരിക്കാൻ ഇവിടെ എഴുതുക