Home KERALA മഞ്ചേശ്വരം തിരഞ്ഞെടുപ്പ് കോഴ കേസിൽ കെ സുരേന്ദ്രനെ ഇന്ന് ചോദ്യം ചെയ്യും

മഞ്ചേശ്വരം തിരഞ്ഞെടുപ്പ് കോഴ കേസിൽ കെ സുരേന്ദ്രനെ ഇന്ന് ചോദ്യം ചെയ്യും

കാസര്‍കോട് മഞ്ചേശ്വരം തിരഞ്ഞെടുപ്പ് കോഴക്കേസില്‍ ബി ജെ പി സംസ്ഥാന പ്രസിഡന്റ് കെ സുരേന്ദ്രനെ ഇന്ന് ക്രൈം ബ്രാഞ്ച് ചോദ്യം ചെയ്യും.

കാസര്‍കോട് ക്രൈം ബ്രാഞ്ച് ഓഫീസില്‍ രാവിലെ പത്തിന് ഹാജരാകാന്‍ സുരേന്ദ്രന് കഴിഞ്ഞ ദിവസം നോട്ടീസ് നല്‍കിയിരുന്നു.

സുരേന്ദ്രന്‍ ഹാജരാകുമെന്ന് ബന്ധപ്പെട്ടവര്‍ അറിയിച്ചു. മഞ്ചേശ്വരത്തെ സ്ഥാനാര്‍ഥിത്വം പിന്‍വലിക്കാന്‍ ബി എസ് പി സ്ഥാനാര്‍ഥിയായിരുന്ന കെ സുന്ദരക്ക് കോഴ നല്‍കിയെന്നും ഭീഷണിപ്പെടുത്തിയെന്നുമുള്ള പരാതിയിലാണ് കേസ്.

മണ്ഡലത്തിലെ ഇടത് സ്ഥാനാര്‍ഥിയായിരുന്ന വി വി രമേശനാണ് ഇതു സംബന്ധിച്ച്‌ പരാതി നല്‍കിയത്. നാമനിര്‍ദേശപത്രിക പിന്‍വലിക്കാന്‍ സുന്ദരക്ക് നേരിട്ട് പണം നല്‍കിയ ആളുകളുടെ മൊഴിയും സുന്ദരയുടെ കുടുംബാംഗങ്ങളുടെ മൊഴിയും അന്വേഷണ സംഘം നേരത്തേ രേഖപ്പെടുത്തിയിരുന്നു.

Also Read :   കര്‍ക്കിടക രാശിക്കാര്‍ ഒന്നും എളുപ്പത്തില്‍ മറക്കില്ല, ഡിസംബറിൽ കർക്കടക രാശിയിൽ എന്ത് ഫലം ഉണ്ടാകുമെന്ന് നോക്കാം