Home BOLLYWOOD പ്രതിഫലം ഉയര്‍ത്തുക എന്നാല്‍, ഞാന്‍ ആവശ്യപ്പെടുന്ന കാര്യമല്ല, സ്ത്രീകളോടുള്ള ബഹുമാനമാണ്- കരീന കപൂര്‍

പ്രതിഫലം ഉയര്‍ത്തുക എന്നാല്‍, ഞാന്‍ ആവശ്യപ്പെടുന്ന കാര്യമല്ല, സ്ത്രീകളോടുള്ള ബഹുമാനമാണ്- കരീന കപൂര്‍

അലൗകിക് ദേശായി സംവിധാനം ചെയ്യുന്ന മിത്തോളജിയില്‍ സീത വേഷത്തില്‍ അഭിനയിക്കുന്നതിനായി കരീന കപൂര്‍ ഖാന്‍ പ്രതിഫലം ഉയര്‍ത്തി എന്ന വാര്‍ത്തകള്‍ നേരത്തെ പുറത്ത് വന്നിരുന്നു. പലരും ഇതേ കുറിച്ച് പ്രതികരണങ്ങള്‍ നടത്തിയെങ്കിലും കരീന മൗനം പാലിച്ചതേയുള്ളൂ. കരീന പ്രതിഫലം ഉയര്‍ത്തുന്നു എന്ന തരത്തില്‍ നെഗറ്റീവ് അഭിപ്രായങ്ങള്‍ വന്നപ്പോള്‍ തപ്‌സി പന്നൂസ്, പ്രിയ മണി തുടങ്ങിയ നടിമാര്‍ പിന്തുണയുമായി രംഗത്ത് എത്തിയതും വാര്‍ത്തയായിരുന്നു.

ഇപ്പോഴിതാ വിഷയത്തില്‍ തനിയ്ക്ക് പറയാനുള്ളത് കരീന കപൂര്‍ വ്യക്തമാക്കുന്നു. കുറച്ച് വര്‍ഷങ്ങള്‍ക്ക് മുന്‍പ് വരെ തുല്യ വേതനത്തെ കുറിച്ച് ആരും സംസാരിച്ചിരുന്നില്ല. സിനിമയില്‍ അഭിനയിക്കുന്ന നായകന്മാര്‍ക്ക് ഒരു പ്രതിഫലവും, നായികമാര്‍ക്ക് എപ്പോഴും അതില്‍ കുറഞ്ഞ വേതനവും മാത്രമായിരുന്നു. എന്നാല്‍ ഇപ്പോള്‍ പലരും ഇതിനെതിരെ ശബ്ദം ഉയര്‍ത്തി തുടങ്ങിയിരിയ്ക്കുന്നു.

നായികമാരും ഉയര്‍ന്ന പ്രതിഫലം വാങ്ങുന്നു- കരീന പറഞ്ഞു തുടങ്ങിഎനിയ്ക്ക് എന്താണ് വേണ്ടത് എന്ന് ഞാന്‍ വ്യക്തമായി പറഞ്ഞു. എന്റെ അഭിപ്രായത്തില്‍ അത് ഞാന്‍ ഡിമാന്റ ചെയ്യുന്ന പ്രതിഫലം അല്ല, മറിച്ച് സ്ത്രീകളോടുള്ള ബഹുമാന സൂചകമാണ്.

കാര്യങ്ങള്‍ മാറ്റങ്ങള്‍ വരുന്നുണ്ട് എന്ന് കരീന പറയുന്നു. സീത വേഷത്തിന് വേണ്ടി എട്ട് മുതല്‍ പത്ത് മാസം വരെ കരീന കപൂര്‍ പരിശീലനങ്ങളും പരശ്രമങ്ങളും നടത്തേണ്ടതുണ്ട്. നടിയുടെ കരിയറിലെ ഏറ്റവും വലിയ വേഷം തന്നെയാണ് ഇത്.രണ്ടാമത്തെ കുഞ്ഞിന്റെ ജനന ശേഷം ശരീര സൗന്ദര്യം വീണ്ടെടുത്ത കരീന കപൂര്‍ സിനിമകളില്‍ സജീവമാകുകയാണിപ്പോള്‍.

ആമിര്‍ ഖാന്‍ നായകനായി എത്തുന്ന ലാല്‍ സിംഗ് ചദ്ദ യാണ് കരീനയുടെ പുതിയ ചിത്രം. ത്രി ഇഡിയറ്റ്‌സ്, തലാഷ് എന്നീ ചിത്രങ്ങളില്‍ ഒന്നിച്ച് അഭിനയിച്ചതിലൂടെതന്നെ പ്രേക്ഷക പ്രീതി നേടിയ താര ജോഡികളാണ് ആമീറും കരീനയും. ടോ ഹാങ്ക്‌സ് നായകനായ ഫോറസ്റ്റ് ഗംപ് എന്ന ഹോളിവുഡ് ചിത്രത്തിന്റെ ബോളിവുഡ് റീമേക്ക് ആണ് ലാല്‍ സിംഗ് ചദ്ദ എന്ന ചിത്രം.

ഇത് കൂടാതെ, ഹന്‍സല്‍ മേഹ്തയ്ക്കും എക്ത കപൂറിനും ഒപ്പമുള്ള പുതിയ ചിത്രവും കരീന പ്രഖ്യാപിച്ചിട്ടുണ്ട്. കരണ്‍ ജോഹറിന്റെ പിരിയോഡിക് ഡ്രാമയായ തക്ത് എന്ന സിനിമയിലും കരീനയാണ് നായിക. കരീനയെ കൂടാതെ, രണ്‍വീര്‍ സിംഗ്, അലിയ ഭട്ട്, വിക്കി കൗശാല്‍, ഭൂമി പെട്‌നേക്കര്‍, ജാന്‍വി കപൂര്‍, അനില്‍ കപൂര്‍ തുടങ്ങി ഒരു വന്‍ താര നിര തന്നെ ഈ ചിത്ത്രതിലുണ്ട്.

 

Also Read :   മൂന്നാറിൽ ദുരൂഹ സാഹചര്യത്തിൽ ഇതര സംസ്ഥാന തൊഴിലാളി മരിച്ച നിലയിൽ