ദില്ലി: ഷാങ്ഹായി സഹകരണ ഉച്ചകോടിയിൽ പ്രധാനമന്ത്രി നരേന്ദ്ര മോദി ഇന്ന് പങ്കെടുക്കും. തജിക്കിസ്ഥാനിലെ ദുഷാൻബെയിൽ നടക്കുന്ന ഉച്ചകോടിയിൽ വിർച്ച്വലായാവും മോദിയുടെ പങ്കാളിത്തം. അഫ്ഗാനിസ്ഥാനിലെ സാഹചര്യം ഉച്ചകോടിയിലെ പ്രധാന ചർച്ചയാവും.
അഫ്ഗാനിസ്ഥാൻ, ഷാങ്ഹായി സഹകരണ സംഘടനയിലെ നിരീക്ഷക പദവിയുള്ള രാജ്യമാണ്. ഈ സാഹചര്യത്തിൽ പുതിയ താലിബാൻ ഭരണകൂടത്തിലെ നേതാക്കൾ ഉച്ചകോടിയിൽ സംസാരിച്ചേക്കും. അഫ്ഗാനിസ്ഥാനിൽ എല്ലാവർക്കും പങ്കാളിത്തമുള്ള ഭരണസംവിധാനം എന്ന ആവശ്യം ഇന്ത്യ ഉച്ചകോടിയിൽ ആവർത്തിക്കും.
പ്രതികരിക്കാൻ ഇവിടെ എഴുതുക