തിരുവനന്തപുരം: സംസ്ഥാനത്ത് കോടികള് സമ്പാദിക്കാമെന്ന വ്യാജേന അമൂല്യവസ്തുക്കളുടെ പേരില് നടക്കുന്നത് പല വിധ തട്ടിപ്പുകളെന്ന് റിപ്പോര്ട്ട്. മലയാളികളാണ് കൂടുതലും തട്ടിപ്പിനിരകളാകുന്നത്.
പുരാവസ്തുക്കളുടെ മറവിലും അമൂല്യ വസ്തുക്കളുടെ മറവിലും തട്ടിപ്പുകള് തകൃതിയായി നടക്കുന്നു. കഴിഞ്ഞ അഞ്ച് വര്ഷത്തിനിടെ ഇത്തരത്തില് 818 ഓളം കേസുകളാണ് സംസ്ഥാനത്ത് രജിസ്റ്റര് ചെയ്തിട്ടുള്ളതെന്നാണ് റിപ്പോര്ട്ട്. തട്ടിപ്പില് കുടുങ്ങി മലയാളികള് നഷ്ടപ്പെടുത്തിയത് ഏകദേശം 100 കോടിയോളം രൂപയാണ്.
സ്വര്ണ്ണച്ചേനയും വെള്ളിമൂങ്ങയും നക്ഷത്ര ആമയും റൈസ് പുള്ളറുമടക്കമുള്ള പല വിധ തട്ടിപ്പുകളിലാണ് മലയാളി തുടർച്ചയായി വീഴുന്നത്. കേരളത്തില് ഏറ്റവുമധികം ചെലവായ തട്ടിപ്പാണ് ഇറിഡിയം റൈസ് പുള്ളര്. അന്താരാഷ്ട്ര വിപണിയില് കോടികള് വിലയുള്ള ലോഹമാണ് ഇറിഡിയം.
എന്നാല് ആയിരം രൂപ പോലും വിലയില്ലാത്ത ലോഹക്കൂട്ട് കാണിച്ച് കോടികളാണ് പലരില് നിന്നും തട്ടിയത്. ഇറിഡിയത്തിന് ന്യൂക്ലിയര് പവര് ഉണ്ടെന്നും നാസയ്ക്ക് വിറ്റാല് ഒരു ലക്ഷം കോടി കിട്ടുമെന്നും പറഞ്ഞ് വിശ്വസിപ്പിച്ച് എറണാകുളത്ത് കഴിഞ്ഞ വര്ഷം ഒരു മാധ്യമപ്രവര്ത്തകനില് നിന്ന് 80 ലക്ഷം തട്ടി.
അരിമണികളെ ആകര്ഷിക്കാനുള്ള കഴിവ് ഉണ്ടെന്ന അവകാശവാദമാണ് റൈസ് പുള്ളര് എന്ന പേര് വരാൻ കാരണം.
തീയേറ്ററുകള് തുറക്കുമ്പോള് പകുതി സീറ്റിലെ ഷോ നഷ്ടമാകുമെന്ന് നിർമ്മാതാക്കൾ; 100 കോടിയിലേറെ നിർമ്മാണ ചെലവുള്ള ചിത്രം പെട്ടിയിലായിട്ട് തന്നെ ഒരു വർഷത്തിലേറെയായി; ക്രമീകരണം പാലിച്ചിറക്കിയാൽ വൻ നഷ്ടം ഉണ്ടാക്കുമെന്ന് മരയ്ക്കാറിന്റെ നിർമ്മാതാവ് ആൻറണി പെരുമ്പാവൂർ
സാത്താനെ ആകര്ഷിക്കാനും പണം സമ്പാദിക്കാനും മറ്റുള്ളവരെ വശീകരിക്കാനും വെള്ളിമൂങ്ങ ബെസ്റ്റാണെന്ന വാദത്തിലും മലയാളികള് വീണു. കൊച്ചിയിലെ ഒരു ഡോക്ടറുടെ പക്കല് നിന്ന് രണ്ട് വര്ഷം മുൻപ് തട്ടിപ്പുകാര് വെള്ളിമൂങ്ങയെ നല്കി പറ്റിച്ചത് പത്ത് ലക്ഷം രൂപയാണ്.
മാരക രോഗങ്ങള് ശമിപ്പിച്ച് ശരീരത്തിന് ഉത്തേജനം നല്കുമെന്ന് വിശ്വസിപ്പിച്ച് നക്ഷത്ര ആമയേയും വിറ്റ് കാശാക്കി. വിദേശികളാണ് കൂടുതലും തട്ടിപ്പിനിരയായത്.
കേരളത്തിലെ ടൂറിസം കേന്ദ്രങ്ങള് കേന്ദ്രങ്ങളും എയര്പോര്ട്ടുകളും കേന്ദ്രീകരിച്ച് കഴിഞ്ഞ രണ്ട് വര്ഷത്തിനിടെ പിടികൂടിയത് ആയിരക്കണക്കിന് നക്ഷത്ര ആമകളെയാണ്. ഇരുതലമൂരിയെ വീട്ടില് വളര്ത്തിയാല് ലൈംഗീക ഉത്തേജനമുണ്ടാകും എന്ന് വിശ്വിച്ച് പാമ്പിനെ വീട്ടില് വളര്ത്തിയവരും നിരവധിയാണ്.
പ്രതികരിക്കാൻ ഇവിടെ എഴുതുക