സംസ്ഥാനത്തെ കൊവിഡ് മരണ പട്ടികയില് ഏഴായിരത്തോളം മരണങ്ങള് കൂടി ചേര്ക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ജൂണ് മാസത്തിലാണ് മരണം ഓണ്ലൈനായി ആശുപത്രികള് നേരിട്ട് അപ് ലോഡ് ചെയ്യാന് തുടങ്ങിയത്. അതിന് മുമ്പുള്ള മരണങ്ങളില് രേഖകള് ഇല്ലാതെയും മറ്റും ഔദ്യോഗിക മരണപ്പട്ടികയില് ചേര്ക്കപ്പെടാതെ പോയ മരണങ്ങളാണ് ഇത്. ഇതുസംബന്ധിച്ച് ഇനിയും പരാതികളുണ്ടെങ്കില് അതും പരിശോധിക്കുന്നതാണെന്നും മന്ത്രി വ്യക്തമാക്കി. മാധ്യമ പ്രവര്ത്തകരോട് സംസാരിക്കുകയായിരുന്നു മന്ത്രി.
കേന്ദ്ര സര്ക്കാരിന്റെ പുതുക്കിയ മാനദണ്ഡങ്ങളനുസരിച്ച് കൊവിഡ് മൂലമെന്ന് കണക്കാക്കപ്പെടേണ്ട മരണങ്ങള് സംബന്ധിച്ച അപേക്ഷകള് ഒക്ടോബര് 10 മുതല് സമര്പ്പിക്കാം. ആരോഗ്യ വകുപ്പ് തയ്യാറാക്കിയ പോര്ട്ടലിലൂടെയും നേരിട്ട് പി.എച്ച്.സി.കള് വഴിയും അപേക്ഷ സമര്പ്പിക്കാവുന്നതാണ്.
പ്രതികരിക്കാൻ ഇവിടെ എഴുതുക