കൊല്ലം: അഞ്ചല് ഉത്ര വധക്കേസില് സൂരജ് കുറ്റക്കാരനെന്ന് കണ്ടെത്തി, ശിക്ഷാ വിധി മറ്റന്നാള് പ്രഖ്യാപിക്കും. കൊല്ലം ജില്ലാ അഡീഷണൽ സെഷൻസ് കോടതി ജഡ്ജി എം. മനോജ് ആണ് വിധി പ്രസ്താവിക്കുക.
ഒരു വര്ഷത്തോളം നീണ്ട വിചാരണയ്ക്കൊടുവിലാണ് കോടതിയുടെ വിധി പ്രസ്താവിക്കുക. കോടതിയില് തനിക്കെതിരെ ചുമത്തിയ കുറ്റം വായിച്ചു കേള്പ്പിച്ചപ്പോള് ഒന്നും പറയാനില്ലെന്നായിരുന്നു സൂരജിന്റെ പ്രതികരണം.
ഉത്രയെ പാമ്പിനെ കൊണ്ട് കടിപ്പിച്ചു കൊന്ന് ഭർത്താവ് സൂരജ് മാത്രമാണ് കേസിലെ പ്രതി. സ്വത്തിന് വേണ്ടി സ്വന്തം ഭാര്യയെ ഭര്ത്താവ് മുര്ഖന് പാമ്പിനെ കൊണ്ട് കടിപ്പിച്ചു കൊല്ലുക.
ഇന്ത്യന് കുറ്റാന്വേഷണ ചരിത്രത്തിലെ തന്നെ അപൂര്വതകള് ഏറെ നിറഞ്ഞ കേസാണ് ഇത്. 87 സാക്ഷികള് നല്കിയ മൊഴികളും 288 രേഖകളുമാണ് അന്വേഷണം സംഘം കോടതിയില് സമര്പ്പിച്ചത്.
പ്രതികരിക്കാൻ ഇവിടെ എഴുതുക