ആളുകൾ ഫോണുകൾ ഓർഡർ ചെയ്തതിനുപകരം വിചിത്രമായ വസ്തുക്കൾ ലഭിച്ചതിൻെറ വാര്ത്തകളും ഇടക്ക് കേൾക്കാറുണ്ട്. ഇപ്പോൾ വാര്ത്തയായിരിക്കുന്നത് മറ്റൊരു സംഭവമാണ്. ഓൺലൈൻ ഷോപ്പിംഗ് സൈറ്റിലൂടെ 53,000 രൂപയോളം ചെലവഴിച്ച് ഐഫോൺ ഓര്ഡര് ചെയ്ത ഉപഭോക്താവിന് ലഭിച്ചത് നിര്മയുടെ രണ്ട് സോപ്പു കട്ടകൾ. ഫ്ലിപ്കാര്ട്ടിൻെറ ഇ-കൊമേഴ്സ് ഉത്സവകാല വിൽപ്പനയായ ബിഗ് ബില്യൺ ഡേയ്സ് വിൽപ്പനയുടെ സമയത്ത് ഫ്ലിപ്കാർട്ടിലൂടെ ഫോണിന് ഓർഡർ നൽകിയ ആൾക്കാണ് സോപ്പ് ലഭിച്ചത്.
എന്തായാലും പണം നഷ്ടപ്പെട്ടിട്ടൊന്നുമില്ല. അത് റീഫണ്ട് ലഭിച്ചു. സംഭവം ശ്രദ്ധിക്കപ്പെട്ടതോടെ ഫ്ലിപ്കാര്ട്ട് ഓര്ഡര് ക്യാൻസൽ ചെയ്ത് മുഴുവൻ തുകയും റീഫണ്ട് നൽകുകയായിരുന്നു. ഉത്പന്നം ഉപഭോക്താവ് സ്വീകരിച്ചില്ലെന്ന് മാത്രമല്ല ഡെലിവറി ബോയിക്ക് ഫോണിൽ എത്തിയ ഒടിപിയും നൽകിയില്ല. സംഭവം ശ്രദ്ധയിൽപെട്ടതിനെ തുടര്ന്ന് ഫ്ലിപ്കാര്ട്ട് ഓര്ഡൽ ക്യാൻസൽ ചെയ്യുകയായിരുന്നു.
ഇ ത്തരം സന്ദര്ഭങ്ങളിൽ ഉത്പന്നം സ്വീകരിക്കാതെ തന്നെ ഓര്ഡര് ക്യാൻസൽ ചെയ്യുകയും, മുഴുവൻ തുകയും റീഫണ്ട് ആയി ആവശ്യപ്പെടുകയും ചെയ്യാം. ആപ്പിൾ ഓര്ഡര് ചെയ്തയാൾക്ക് ഐഫോൺ കിട്ടയതും ഡൽഹിയിൽ ടോയ് റിമോര്ട്ട് ഓര്ഡര് ചെയ്ത ഒരാൾക്ക് പാര്ലെജി ബിസ്ക്കറ്റ് കിട്ടിയതുമൊക്കെ അടുത്തിടെ വാര്ത്തയായിരുന്നു. ഫ്ലിപ്കാർട്ട് പോലുള്ള തികച്ചും വിശ്വസനീയമായ ഇ-കൊമേഴ്സ് പ്ലാറ്റ് ഫോമിലൂടെ ഉത്പന്നം വാങ്ങിയപ്പോൾ ഉണ്ടായ ഈ സംഭവം ഓൺലൈൻ ഷോപ്പിങ് പ്രേമികളെയും അമ്പരപ്പിച്ചു. , ഫ്ലിപ്കാർട്ടിൻെറ കസ്റ്റമർ കെയറിൽ ഉപഭോക്താവ് പരാതിപ്പെട്ടു. ഏതാനും ദിവസങ്ങൾക്ക് ശേഷം കമ്പനി അബദ്ധം പറ്റിയത് സമ്മതിക്കുകയായിരുന്നു . കമ്പനി മുഴുവൻ തുകയും ഉപഭോക്താവിന് തിരികെ നൽകി. ബാങ്ക് അക്കൗണ്ടിൽ പണം തിരികെ എത്തിയതായി ഉപഭോക്താവ് സ്ഥിരീകരിച്ചിട്ടുണ്ട്.
പ്രതികരിക്കാൻ ഇവിടെ എഴുതുക