തിരുവനന്തപുരം: സംസ്ഥാനത്ത് ശക്തമായ മഴ തുടരുന്നു. ഒക്ടോബര് 15വരെ സംസ്ഥാനത്ത് മഴ തുടരും എന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം.
ഇതിനെ തുടര്ന്ന് ചൊവ്വാഴ്ച സംസ്ഥാനത്തെ ആറു ജില്ലകളില് ഓറഞ്ച് അലെര്ട്ട് പ്രഖ്യാപിച്ചു. ഏഴു ജില്ലകളില് യെല്ലോ അലെര്ട്ടും പ്രഖ്യാപിച്ചിട്ടുണ്ട്. കൊല്ലം പത്തനംതിട്ട, കോട്ടയം, എറണാകുളം, ഇടുക്കി എന്നീ ജില്ലകളിലാണ് ഓറഞ്ച് അലെര്ട്ട് പ്രഖ്യാപിച്ചത്.
അതേ സമയം തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് യെല്ലോ അലെര്ട്ടാണ് പ്രഖ്യാപിച്ചിരിക്കുന്നത്.
ദിവസങ്ങളായി വലിയ അളവില് മഴതുടരുന്ന താഴ്ന്ന പ്രദേശങ്ങള്, ഉരുള്പൊട്ടല് ഭീഷണിയുള്ള മലയോര മേഖലകള് എന്നിവിടങ്ങളില് അതീവ ജാഗ്രത പാലിക്കാനാണ് നിര്ദേശം.
പ്രതികരിക്കാൻ ഇവിടെ എഴുതുക