ന്യൂഡല്ഹി: വിവാദ പരാമര്ശവുമായി വീര് സവര്ക്കറുടെ ചെറുമകന് രഞ്ജിത് സവര്ക്കര്. മഹാത്മ ഗാന്ധി ഇന്ത്യയുടെ രാഷ്ട്രപിതാവല്ലെന്ന വിവാദ പ്രസ്താവനയുമായാണ് രഞ്ജിത് സവര്ക്കര് മുന്നോട്ട് വന്നിരിക്കുന്നത്.
ഇന്ത്യ പോലെ ഒരു രാജ്യത്തിന് ഒരുരാഷ്ട്രപിതാവ് മാത്രമല്ല ഉണ്ടാകേണ്ടത്. മറന്നു പോയ ആയിരങ്ങളുണ്ട്. രാജ്യത്തിന് അന്പത് വര്ഷത്തെ പഴക്കമല്ല അഞ്ഞൂറ് വര്ഷത്തെ പഴക്കമുണ്ടെന്നും രഞ്ജിത് സവര്ക്കര് പറഞ്ഞു.
വാര്ത്താ ഏജന്സിയായ എഎന്ഐക്ക് നല്കിയ അഭിമുഖത്തിലാണ് രഞ്ജിത് സവര്ക്കര് വിവാദ പരാമര്ശം നടത്തിയത്.
സവര്ക്കറെ കുറിച്ച് കേന്ദ്ര പ്രതിരോധമന്ത്രി രാജ്നാഥ് സിങ് നടത്തിയ പരാമര്ശത്തിനെതിരേ എഐഎംഐഎം നേതാവ് അസദുദ്ദീന് ഉവൈസി രംഗത്തെത്തിയിരുന്നു. വളച്ചൊടിച്ചാണ് ചരിത്രസംഭവങ്ങളെ ബിജെപി അവതരിപ്പിക്കുന്നത്.
ഇങ്ങനെ തുടരുകയാണെങ്കില് സവര്ക്കറെ ബിജെപി രാഷ്ട്രപിതാവായി പ്രഖ്യാപിക്കുമെന്ന് ഉവൈസി പ്രതികരിച്ചതിന് പിന്നാലെയാണ് രഞ്ജിത് സവര്ക്കറുടെ പ്രതികരണം.
പ്രതികരിക്കാൻ ഇവിടെ എഴുതുക