ഒളിച്ചോടിയായ കമിതാക്കളെ ലോഡ്ജില് തൂങ്ങി മരിച്ച നിലയില് കണ്ടെത്തി. കൊയിലാണ്ടിയില് നിന്ന് കാണാതായ ഭര്ത്തൃമതിയായ കുറുവങ്ങാട് സ്വദേശിനി റിന്സി (29), മലപ്പുറം പുളിക്കല് പരുത്തിക്കോട് പിണങ്ങോട്ട് മുഹമ്മദലിയുടെ മകന് മുഹമ്മദ് നിസാര് (29 ) എന്നിവരെയാണ് എലത്തൂരിലെ ഒരു സ്വകാര്യ ലോഡ്ജില് തൂങ്ങി മരിച്ച നിലയില് കണ്ടെത്തിയത്.
കഴിഞ്ഞ സെപ്റ്റംബര് 24-നാണ് കുറുവങ്ങാട്ടെ പ്രസാദിന്റെ ഭാര്യ റിന്സിയെയും നാല് വയസ്സുള്ള കുട്ടിയെയും കാണാതായത്. പെരിന്തല്മണ്ണ പൊലീസ് കഴിഞ്ഞ 10-ന് റിന്സിയെയും മുഹമ്മദ് നിസാറിനെയും കണ്ടെത്തുകയും ചോദ്യം ചെയ്യുകയും ചെയ്തിരുന്നു. അങ്ങനെയാണ് കൊയിലാണ്ടി പൊലീസ് ചാര്ജ് ചെയ്ത മിസ്സിങ്ങ് കേസിലെ റിന്സിയാണിതെന്ന് വ്യക്തമാകുന്നത്. തുടര്ന്ന് കൊയിലാണ്ടി എസ്ഐ കെടി രഘുവും സംഘവും ചേര്ന്ന് ഇവരെ കസ്റ്റഡിയിലെടുത്ത് 11 ന് കൊയിലാണ്ടി കോടതിയില് ഹാജരാക്കി.കോടതിയില് നിന്നും കാമുകന് മുഹമ്മദ് നിസാറിനൊപ്പം പോകാനും ജീവിക്കാനും തീരുമാനിക്കുകയായിരുന്നു റിന്സി. കുട്ടിയെ ഭര്ത്താവ് പ്രസാദ് വീട്ടിലേക്ക് കൊണ്ടു പോകുകയും ചെയ്തിരുന്നു.തുടര്ന്ന് ഇന്നാണ് റിന്സിയെയും നിസാറിനെയും മരിച്ച നിലയില് കണ്ടെത്തിയത്. നാല് വര്ഷമായി വിവാഹിതനായ നിസാറും ഭര്ത്തൃമതിയായ റിന്സിയും പ്രണയത്തിലായിരുന്നെന്ന് പൊലീസ് പറയുന്നു.
പ്രതികരിക്കാൻ ഇവിടെ എഴുതുക