തിരുവനന്തപുരം : അറബിക്കടലില് രൂപംകൊണ്ട ന്യൂനമര്ദ്ദം കേരള തീരത്തെത്തിയതിനെത്തുടര്ന്ന് സംസ്ഥാനത്ത് കനത്ത മഴ തുടരുന്നു.
പത്തനംതിട്ട ജില്ലയില് 2018ല് പെയ്തതിനു സമാനമായി കനത്ത മഴ തുടരുകയാണ്. 12 മണിക്കൂറിനിടെ 10 സെന്റിമീറ്റര് മഴ പെയ്തതായാണ് അനൗദ്യോഗിക കണക്ക്. ജില്ലയിലെ പ്രധാന അണക്കെട്ടുകളെല്ലാം നിറഞ്ഞു.
സംസ്ഥാനത്തെ ഏറ്റവും വലിയ രണ്ടാമത്തെ ജല വൈദ്യുതി പദ്ധതിയായ ശബരിഗിരിയുമായ ബന്ധപ്പെട്ട കക്കി, ആനത്തോട് ഡാമുകളില് ക്രമാതീതമായി ജലനിരപ്പ് ഉയര്ന്നു. ആനത്തോട് ഡാമില് ഇന്നലെ വൈകീട്ടു തന്നെ റെഡ് അലര്ട്ട് പ്രഖ്യാപിച്ചിട്ടുണ്ട്.
ജലനിരപ്പ് ഉയര്ന്നതിനെ തുടര്ന്ന് തെന്മല പരപ്പാര് അണക്കെട്ട് തുറന്നു. അണക്കെട്ടിന്റെ മൂന്ന് ഷട്ടറുകള് 50 സെന്റിമീറ്റര് ഉയര്ത്തിയിട്ടുണ്ട്. സമീപവാസികള്ക്ക് അധികൃതര് ജാഗ്രതാ നിര്ദേശം നല്കി.
പമ്പ ത്രിവേണിയിലും ജലനിരപ്പ് ഉയര്ന്നു. മീനച്ചില്, മണിമല ആറുകളില് ജലനിരപ്പ് ഉയരുന്നു. താഴ്ന്ന ഇടങ്ങളിലെ റോഡില് വെള്ളം കയറി. കനത്ത മഴയില് ഇത്തിക്കരയാറിനോട് ചേര്ന്നുള്ള റോഡ് ഇടിഞ്ഞു.
പ്രതികരിക്കാൻ ഇവിടെ എഴുതുക