ചൈനയില് സേവനം അവസാനിപ്പിക്കാനൊരുങ്ങുകയാണ് ലിങ്ക്ഡ് ഇന്. തൊഴില് അധിഷ്ഠിത സോഷ്യല് മീഡിയാ നെറ്റ് വര്ക്കായ ലിങ്ക്ഡ് ഇന് ചൈനയിലെ തങ്ങളുടെ സേവനം അവസാനിപ്പിക്കാനൊരുങ്ങുകയാണെന്ന് മൈക്രോസോഫ്റ്റ് ആണ് വെളിപ്പെടുത്തിയത്.
വിദേശ ടെക് കമ്ബനികള്ക്ക് മേലില് ചൈന നിയന്ത്രണങ്ങള് കടുപ്പിക്കുമ്ബോള് പ്രവര്ത്തന വെല്ലുവിളി നേരിടുന്ന അവസ്ഥയാണുള്ളത്. അതിനാലാണ് ചൈനയിലെ സേവനങ്ങള് അവസാനിപ്പിക്കുവാന് പ്രധാനമായും കമ്ബനി ശ്രമിക്കുന്നത്.
ലിങ്ക്ഡ് ഇന് സേവനത്തിനു പകരം ഇന്ജോബ്സ് എന്ന ആപ്ലിക്കേഷനാണ് ചൈനയില് ഇനി അവതരിപ്പിക്കുക. തൊഴില് പരമായും വ്യക്തിപരമായുമുള്ള സൗഹൃദവും ബന്ധവും വളര്ത്തുകയും തൊഴില് അവസരങ്ങള് കണ്ടെത്താന് സഹായിക്കുകയും ചെയ്യുക എന്ന ലക്ഷ്യത്തോടെയാണ് ലിങ്ക്ഡ് ഇന് പ്രവര്ത്തിച്ചിരുന്നത്. ഒരു ദശാബ്ദക്കാലമായി ഫെയ്സ്ബുക്കിനും ട്വിറ്ററിനും രാജ്യത്ത് നിരോധനം ഏര്പ്പെടുത്തിയിട്ടുണ്ട്.
പ്രതികരിക്കാൻ ഇവിടെ എഴുതുക