തിരുവനന്തപുരം: പാറശാലയില് പതിനാറുകാരിയെ വിവാഹ വാഗ്ദാനം നല്കി തട്ടിക്കൊണ്ടുപോയി പീഡിപ്പിച്ച യുവാവിനേയും മാതാപിതാക്കളെയും അറസ്റ്റ് ചെയ്തു. ഒന്നര മാസം മുമ്പാണ് പെണ്കുട്ടിയെ വീട്ടില് നിന്നും കാണാതായത്.
മാര്ത്താണ്ഡം കൊടുംകുളം കൊല്ലകടവരമ്പ് സ്വദേശിയായ അശോക് റോബര്ട്ട് ആണ് പിടിയിലായത്.അശോക് റോബര്ട്ടിനൊപ്പം ഇയാളുടെ മാതാപിതാക്കളാ റോബര്ട്ട്, സ്റ്റെല്ല എന്നിവരേയും പൊലീസ് അറസ്റ്റ് ചെയ്തു.
പെണ്കുട്ടിയുടെ മാതാപിതാക്കള് നല്കിയ പരാതിയില് പൊലീസ് അന്വേഷണം ആരംഭിച്ചതോടെ പ്രതികള് ഒളിവില് പോയിരുന്നു.
പെണ്കുട്ടിക്കൊപ്പം ബംഗളൂരുവിലെ തലഗാട്ടുപുരയില് വാടകയ്ക്ക് താമസിക്കുകയായിരുന്ന പ്രതികളെ പാറശാല പൊലീസ് സൈബര് സെല്ലിന്റെ സഹായത്തോടെ പിടികൂടുകയായിരുന്നു.
പെണ്കുട്ടിയെ കടത്തിക്കൊണ്ട് പോകാനും ഒളിവില് കഴിയാനും മാതാപിതാക്കള് സഹായം നല്കിയെന്ന് പൊലീസ് കണ്ടെത്തിയിട്ടുണ്ട്.
പ്രതികരിക്കാൻ ഇവിടെ എഴുതുക