കനത്ത മഴയെ തുടർന്ന് ഇടുക്കി ഡാമില് ഇന്ന് രാവിലെ ഏഴുമണിമുതല് ഓറഞ്ച് അലേര്ട്ട് പ്രഖ്യാപിച്ചു.ഇടുക്കി ഡാമിന്റെ ജലനിരപ്പ് 2396.86 അടി ആയതോടെയാണ് ഓറഞ്ച് അലേര്ട്ട് പ്രഖ്യാപിച്ചത്. ഇന്നലെ രാത്രി ഡാമിന്റെ അടുത്തുള്ള പ്രദേശങ്ങളിലുള്പ്പെടെ ശക്തമായ മഴ പെയ്തിരുന്നു. ഇതോടെയാണ് ജലനിരപ്പുയര്ന്നത്.
ഒരടി കൂടി വെള്ളം ഉയര്ന്നാല് അതീവ ജാഗ്രതാ മുന്നറിയിപ്പായ റെഡ് അലേര്ട്ട് പ്രഖ്യാപിച്ച് ജില്ലാ കളക്ടറുടെ അനുമതിയോടെ ഷട്ടര് ഉയര്ത്തി വെള്ളം തുറന്നുവിടും. ജനങ്ങള് ജാഗ്രത പാലിക്കണമെന്നും അധികൃതര് അറിയിച്ചു.ഡാമിന്റെ പരമാവധി സംഭരണശേഷി 2403 അടിയാണ്. 2018ലെ മഹാപ്രളയത്തിലാണ് ഇടുക്കി അണക്കെട്ട് അവസാനമായി തുറന്നത്.
പ്രതികരിക്കാൻ ഇവിടെ എഴുതുക