തിരുവനന്തപുരം: മഴക്കെടുതിയില് കെഎസ്ഇബിക്ക് പന്ത്രണ്ടര കോടിയുടെ നഷ്ടമുണ്ടായെന്ന് വിലയിരുത്തല്. മഴക്കെടുതിയില് 11 കെവി ലൈനുകളും ട്രാന്സ്ഫോര്മറുകളും ഉള്പ്പെടെ നശിച്ചാണ് വലിയ നാശനഷ്ടമുണ്ടായത്.
ഇത് യുദ്ധകാലാടിസ്ഥാനത്തില് പരിഹരിക്കും. മൂന്നരലക്ഷം കണക്ഷനുകളാണ് തടസ്സപ്പെട്ടത്. ഇതില് രണ്ടരലക്ഷത്തോളം കണക്ഷനുകള് പുനസ്ഥാപിച്ചു. മഴ ഏറെ നാശം വിതച്ച മേഖലകളില് ഉള്പ്പെടെ ഒരു ലക്ഷത്തോളം കണക്ഷനുകള് പുനസ്ഥാപിക്കാനുണ്ട്. രക്ഷാപ്രവര്ത്തനം പൂര്ത്തിയാകുന്ന മുറയ്ക്ക് ഈ കണക്ഷനുകള് പുനസ്ഥാപിക്കും.
മഴ ശക്തമായതോടെ വൈദ്യുതി ആവശ്യത്തില് കുറവ് വന്നിട്ടുണ്ട്. പ്രതിദിന ഉപഭോഗം 3400 മെഗാവാട്ടാണ്. പീക് ടൈമിലെ വൈദ്യുതി ലഭ്യത കുറവ് 50 മെഗാവാട്ട് മാത്രമാണ്. അതുകൊണ്ട് തന്നെ നിലവില് കാര്യമായ വൈദ്യുതി പ്രതിസന്ധിയില്ലെന്നും വൈദ്യൂതി മന്ത്രി പറഞ്ഞു.
പ്രതികരിക്കാൻ ഇവിടെ എഴുതുക