തിരുവനന്തപുരം: സംസ്ഥാനത്ത് ശക്തമായ മഴയ്ക്ക് സാധ്യത നിലനില്ക്കെ മുല്ലപ്പെരിയാര് അണക്കെട്ടിലെ ജലനിരപ്പ് കുറയ്ക്കാന് അടിയന്തര നടപടി സ്വീകരിക്കണ മെന്നാവശ്യപ്പെട്ട് മുഖ്യമന്ത്രി പിണറായി വിജയന് തമിഴ്നാട് മുഖ്യമന്ത്രി എം.കെ സ്റ്റാലിന് കത്തയച്ചു.
നേരത്തെ ജലനിരപ്പ് 133.45 അടി എത്തിയപ്പോള് ഉദ്യോഗസ്ഥ തലത്തില് ആശങ്ക അറിയിച്ചിരുന്നു. നിലവിലെ നീരൊഴുക്കും മഴ സാധ്യതയും കണക്കിലെടുക്കുമ്പോള് ജലനിരപ്പ് 142 അടിയിലേക്ക് എത്താല് സാധ്യതയുണ്ടെന്നാണ് വിലയിരുത്തല്.
അതിനാല് മുല്ലപ്പെരിയാറില് നിന്നും കൂടുതല് വെള്ളം തമിഴ്നാട്ടിലെ വൈഗാ അണക്കെട്ടിലേക്ക് കൊണ്ടുപോകണമെന്നും അണക്കെട്ടിന്റെ ഷട്ടര് തുറക്കുന്നതിന് 24 മണിക്കൂര് മുമ്പ് കേരളത്തെ അറിയിക്കണമെന്നും കത്തില് കേരളം ആവശ്യപ്പെട്ടു.
പ്രതികരിക്കാൻ ഇവിടെ എഴുതുക