തിരുവനന്തപുരം: നിയമസഭ കയ്യാങ്കളി കേസില് വിചാരണ നടപടികള് തിരുവനന്തപുരം സിജെഎം കോടതിയില് നാളെ തുടങ്ങും.
മന്ത്രി വി ശിവന്കുട്ടി അടക്കമുള്ള ആറു പ്രതികളോട് കുറ്റപത്രം വായിച്ചു കേള്ക്കാന് നേരിട്ട് ഹാജരാകാന് കോടതി നിര്ദേശിച്ചിരുന്നു.
അതേസമയം മജിസ്ട്രേറ്റ് കോടതി വിധിക്കെതിരെ ഹൈക്കോടതിയില് അപ്പീല് പോകാനുള്ള നീക്കവും പ്രതികളായ എല്ഡിഎഫ് നേതാക്കള് നടത്തുന്നുണ്ട്.
മുന് ധനമന്ത്രി കെഎം മാണിയുടെ ബജറ്റ് അവതരണം തടസ്സപ്പെടുത്തുന്നതിനിടെ പൊതുമുതല് നശിപ്പിച്ച കേസിലാണ് വിദ്യാഭ്യാസ മന്ത്രി ഉള്പ്പെടെ വിചാരണ നേരിടാന് പോകുന്നത്.
വി ശിവന്കുട്ടി, ഇ പി ജയരാജന്, കെടി ജലീല്, കെ അജിത്, കുഞ്ഞഹമ്മദ് മാസ്റ്റര്, സി കെ സദാശിവന് എന്നിവരാണ് പ്രതികള്. കേസ് പിന്വലിക്കണമെന്ന് സര്ക്കാരിന്റെ ആവശ്യം സുപ്രീംകോടതി രൂക്ഷവിമര്ശനത്തോടെ തള്ളിയിരുന്നു.
പ്രതികരിക്കാൻ ഇവിടെ എഴുതുക