റിസ്ക് രാജ്യങ്ങളില് നിന്നും വരുന്നവരുടെ ക്വാറന്റൈന് വ്യവസ്ഥകള് കൃത്യമായി പാലിക്കാന് ജില്ലകള്ക്ക് നിര്ദേശം നല്കിയതായി ആരോഗ്യ മന്ത്രി വീണാ ജോര്ജ്l.
അതിതീവ്രവ്യാപന ശേഷിയുള്ള വൈറസായതിനാല് എല്ലാവരും ക്വാറന്റൈന് വ്യവസ്ഥകള് കൃത്യമായി പാലിക്കേണ്ടതാണ്. വിമാനത്താവളങ്ങളില് ഇവരെ സഹായിക്കാനായി ആരോഗ്യ പ്രവര്ത്തകരെ സജ്ജമാക്കിയിട്ടുണ്ട്. ഏതെങ്കിലും സാഹചര്യത്തില് പോസിറ്റീവായാല് ഉടന് തന്നെ ട്രെയ്സിംഗ് നടത്തി കോണ്ടാക്ട് ലിസ്റ്റ് തയ്യാറാക്കുന്നതാണ്. വരുന്നവരില് വാക്സിനെടുക്കാത്തവര് ആരെങ്കിലുമുണ്ടെങ്കില് ഉടന് തന്നെ വാക്സിന് എടുക്കേണ്ടതാണെന്നും മന്ത്രി വ്യക്തമാക്കി.
കേന്ദ്ര മാര്ഗനിര്ദേശ പ്രകാരം റിസ്ക് രാജ്യങ്ങളില് നിന്നും വരുന്നവര്ക്ക് 7 ദിവസം ക്വാറന്റൈനും 7 ദിവസം സ്വയം നിരീക്ഷണവുമാണ്. അല്ലാത്ത രാജ്യങ്ങളില് നിന്നും വരുന്നവര്ക്ക് 14 ദിവസം സ്വയം നിരീക്ഷണമാണുള്ളത്. ഈ രണ്ട് വിഭാഗക്കാരും ആരോഗ്യ വകുപ്പ് നല്കുന്ന മാര്ഗനിര്ദേശങ്ങള് കൃത്യമായി പാലിക്കണം.
പ്രതികരിക്കാൻ ഇവിടെ എഴുതുക