സൗദിയില് തൊഴില്, താമസ, അതിര്ത്തി സുരക്ഷാ നിയമങ്ങള് ലംഘിച്ച് അനധികൃതമായി തങ്ങുന്നവരെ തേടിയുള്ള പരിശോധനയില് ഒരാഴ്ചക്കിടെ പിടികൂടിയത് 14,000ത്തിലേറെ പേരെ. നവംബര് 25 മുതല് ഡിസംബര് ഒന്ന് വരെയുള്ള കാലയളവില് വിവിധ സുരക്ഷാ വിഭാഗങ്ങളും ജനറല് ഡയറക്ടറേറ്റ് ഓഫ് പാസ്പോര്ട്ടുംനടത്തിയ സംയുക്ത റെയ്ഡില് ആണ് വിവിധ രാജ്യക്കാരായ ഇത്രയും ആളുകള് അറസ്റ്റിലായത്.
അറസ്റ്റിലായവരില് 7,413 പേര് താമസ നിയമ നിയമലംഘകരും, 5,398 പേര് അതിര്ത്തി നിയമലംഘകരും, 1,708 ലധികം തൊഴില് നിയമ ലംഘകരുമാണ്. രാജ്യത്തേക്ക് അനധികൃതമായി അതിര്ത്തി കടക്കാന് ശ്രമിക്കുന്നതിനിടെ മൊത്തം 381 പേരെ അറസ്റ്റ് ചെയ്തതില് 40 ശതമാനം യെമന് പൗരന്മാര്, 57 ശതമാനം എത്യോപ്യക്കാര്, മൂന്ന് ശതമാനം മറ്റ് രാജ്യങ്ങളില് നിന്നുള്ളവര് എന്നിങ്ങനെയാണ്. 17 പേര് അതിര്ത്തി കടന്ന് രക്ഷപ്പെടാന് ശ്രമിച്ചതിനും നിയമലംഘകരെ കടത്തിവിടുകയും അഭയം നല്കുകയും ചെയ്ത ഏഴു പേരെയും സുരക്ഷാ സേന അറസ്റ്റ് ചെയ്തു.
ചട്ടലംഘനങ്ങൾക്കും അതിന് കൂട്ടു നിൽക്കുന്നതിനും 15 വര്ഷം വരെ തടവ് ലഭിക്കുമെന്ന് ആഭ്യന്തര മന്ത്രാലയം മുന്നറിയിപ്പ് നല്കി. കൂടാതെ, ഒരു ദശലക്ഷം റിയാല് വരെ പിഴ, വാഹനങ്ങള് അഭയം നല്കിയ സ്ഥലം എന്നിവ കണ്ടുകെട്ടല് എന്നീ നടപടികള് ഇവര്ക്കെതിരെ സ്വീകരിക്കുമെന്നും അവരുടെ പേരുകള് പ്രാദേശിക മാധ്യമങ്ങളില് വെളിപ്പെടുത്തുമെന്നും മുന്നറിയിപ്പുണ്ട്.
പ്രതികരിക്കാൻ ഇവിടെ എഴുതുക