കോയമ്പത്തൂര്: മലയാളി യുവാവിന്റെ മുഖത്ത് ആസിഡ് ഒഴിച്ച ശേഷം യുവതി വിഷം കഴിച്ച് ആത്മഹത്യയ്ക്കു ശ്രമിച്ചു. കോയമ്പത്തൂരിലെ പീളമേട്ടിലാണു സംഭവം. തിരുവനന്തപുരം കൊടിപുരം സ്വദേശി ആര്. രാകേഷിന്റെ (30) മുഖത്താണ് കാഞ്ചീപുരം മീനംപാക്കത്തുനിന്നുള്ള പി. ജയന്തി (27) ആസിഡ് ഒഴിച്ചത്.
ഭര്ത്താവുമായി വേര്പിരിഞ്ഞ് താമസിക്കുകയായിരുന്നു ജയന്തി. ദുബായിലെ ഒരു സ്പായില് രാകേഷിനൊപ്പം ജോലി ചെയ്തിരുന്നു. ഇരുവരും അവിടെ ഒന്നിച്ച് താമസിക്കുകയായിരുന്നുവെന്ന് പോലീസ് പറഞ്ഞു. ജൂലായില് സഹോദരിയുടെ വിവാഹത്തില് പങ്കെടുക്കാന് നാട്ടിലെത്തിയ രാകേഷ് മൂന്നു മാസം മുന്പു വിവാഹിതനായി. വിവാഹിതനായ വിവരം രാകേഷ് ജയന്തിയില് നിന്ന് മറച്ചുവെച്ചിരുന്നു. ഇതിനിടെ ജയന്തിയും ചെന്നൈയിൽ തിരിച്ചെത്തി.
പീളമേട്ടിലെ അപ്പാര്ട്മെന്റില് എത്താന് കഴിഞ്ഞ ദിവസം രാകേഷ് ജയന്തിക്ക് വാട്സ്ആപ്പില് സന്ദേശം അയച്ചിരുന്നു. ഇരുവരും കണ്ടുമുട്ടിയപ്പോൾ ജയന്തി രാകേഷിനോട് വിവാഹം ചെയ്യാൻ ആവശ്യപ്പെട്ടു. എന്നാൽ രാകേഷ് ഇത് നിരസിക്കുകയും താൻ വിവാഹിതനായ വിവരം ജയന്തിയെ അറിയിക്കുകയും ചെയ്തു. തുടർന്ന് ഇരുവരും തമ്മില് വഴക്കായി. ഇതിനിടെ ജയന്തി ബാഗിലുണ്ടായിരുന്ന ആസിഡ് എടുത്ത രാകേഷിന്റെ മുഖത്തേക്ക് ഒഴിക്കുകയും കത്തി ഉപയോഗിച്ച് ആക്രമിക്കുകയും ചെയ്തു. പിന്നീട് ജയന്തി വിഷം കഴിച്ചു. രാകേഷിന്റെ ഇടതു കണ്ണിന്റെ ഭാഗത്ത് പൊള്ളലേറ്റിട്ടുണ്ട്. അപ്പാർട്മെന്റിലെ സെക്യൂരിറ്റിയാണ് ഇരുവരേയും കോയമ്പത്തൂര് മെഡിക്കല് കോളേജ് ആശുപത്രിയില് എത്തിച്ചത്. ഇരുവരുടേയും നില ഗുരുതരമല്ലെന്നു പൊലീസ് പറഞ്ഞു.
രാകേഷിന്റെ പരാതിയില് ജയന്തിക്കെതിരേ പീളമേട് പോലീസ് കേസ് രജിസ്റ്റര് ചെയ്തു. രാകേഷ് വിവാഹ വാഗ്ദാനത്തില് നിന്ന് പിന്മാറിയതും മറ്റൊരു വിവാഹം കഴിച്ചതുമാണ് പ്രകോപനത്തിന് കാരണമെന്നും. രാകേഷ് തന്നിൽ നിന്ന് 18 ലക്ഷം രൂപ വാങ്ങിച്ചെടുത്തതായും ജയന്തി പരാതി നല്കി. രാകേഷിനെതിരേയും പോലീസ് കേസ് എടുത്തിട്ടുണ്ട്.
പ്രതികരിക്കാൻ ഇവിടെ എഴുതുക