Home LATEST NEWS ‘ഉപ്പും മുളകിനും പിന്നാലെ എരിവും പുളിയുമായി ‘നീലുവും ബാലുവും’

‘ഉപ്പും മുളകിനും പിന്നാലെ എരിവും പുളിയുമായി ‘നീലുവും ബാലുവും’

‘ഉപ്പും മുളകും’എന്ന പരമ്പരയിലൂടെ പ്രേക്ഷകര്‍ക്ക് പ്രിയങ്കരരായ ഒത്തിരി താരങ്ങളുണ്ട്. മുടിയനെന്ന് വിളിക്കുന്ന ഋഷി, ശിവാനി, നീലുവെന്ന നിഷ സാരംഗ് , ബാലുവായ ബിജു സോപാനം അങ്ങനെ നീളുന്നു താരനിര. ഒരൊറ്റ പരമ്പരയിലൂടെ തന്നെ പ്രേക്ഷക ശ്രദ്ധ നേടാൻ ഇവർക്കെല്ലാം സാധിച്ചു. പരമ്പര അവസാനിച്ചെങ്കിലും വലിയ ആരാധകരാണ് താരങ്ങൾക്കെല്ലാമുള്ളത്.

ഇപ്പോഴിതാ ഇതിലെ കഥാപാത്രങ്ങൾ വീണ്ടും ഒന്നിക്കുന്നതിന്റെ സന്തോഷമുള്ള വാർത്തകളാണ് പ്രേക്ഷകരിലേക്ക് എത്തുന്നത്. സീ കേരളത്തിൽ എരിവും പുളിയും എന്ന പരമ്പരയിലൂടെയാണ് താരങ്ങൾ എത്തുന്നത്. ക്രിസ്ത്യൻ പശ്ചാത്തലത്തിലുള്ള കുടുംബത്തിന്റെ കഥയാണ് പരമ്പര പറയുന്നത്. പുത്തൻ മേക്കോവറിലുള്ള ഇവരുടെ ചിത്രങ്ങൾ ആരാധകർ ഏറ്റെടുക്കുകയാണ്. സീരിയൽ ലൊക്കേഷനിൽ നിന്നുള്ള മേക്കോവർ ചിത്രങ്ങൾ നിഷ സാരംഗാണ് ഇൻസ്റ്റഗ്രാമിൽ പങ്കുവച്ചിരിക്കുന്നത്.

ടെലിവിഷന്‍ പരമ്പരകളില്‍ പ്രേക്ഷകപ്രിയം നേടിയ പരമ്പരകളിൽ ഒന്നായിരുന്നു ഉപ്പും മുളകും. അതുപോലെ തന്നെ അതിലെ കഥാപാത്രങ്ങളെല്ലാം സ്വന്തം വീട്ടിലേതെന്നപോലെ സ്നേഹിക്കുകയും പിന്തുടരുകയും ചെയ്യുന്നവരാണ് പ്രേക്ഷകര്‍.

Also Read :   സംസ്ഥാനത്ത് കൊവിഡ് കേസുകള്‍ ഇന്ന് 50,000 കടക്കുമെന്ന് ആരോഗ്യമന്ത്രി വീണാ ജോര്‍ജ്