കുവൈത്തില് ഇതുവരെ ഒരു ഒമിക്രോണ് കേസ് പോലും സ്ഥിരീകരിച്ചിട്ടില്ലെന്ന് ആരോഗ്യ മന്ത്രി ശൈഖ് ഡോ. ബാസില് അല് സബാഹ് അറിയിച്ചു. വൈറസിന്റെ ജനിതക വ്യതിയാനം റിപ്പോര്ട്ട് ചെയ്യപ്പെടുന്നതിന് മുമ്പ് തന്നെ കൊവിഡ് പ്രതിരോധത്തില് ആരോഗ്യ മന്ത്രാലയം സ്വീകരിച്ചുപോന്ന നടപടികള് പ്രശംസനീയമായിരുന്നുവെന്നും അദ്ദേഹം പറഞ്ഞു. അതേസമയം ഇന്ത്യ അടക്കമുള്ള വിവിധ രാജ്യങ്ങളിൽ ഒമിക്രോൺ സ്ഥിരീകരിച്ചു.
കുവൈത്തില് ഏര്പ്പെടുത്തിയിട്ടുള്ള ആരോഗ്യ മുന്കരുതലുകളും നിയന്ത്രണ സംവിധാനവുമാണ് രാജ്യത്തെ സ്വദേശികളുടെയും പ്രവാസികളുടെയും ഇടയില് വൈറസ് വ്യാപനം കുറയ്ക്കാന് സഹായിച്ചതെന്നും ആരോഗ്യമന്ത്രി പറഞ്ഞു. എന്നിരുന്നാലും അടഞ്ഞ സ്ഥലങ്ങളില് തുടര്ന്നും മാസ്ക് ധരിക്കണം. എത്രയും വേഗം വാക്സിനെടുക്കുകയും ബൂസ്റ്റര് ഡോസുകള് സ്വീകരിക്കുകയും ആവശ്യമാവുന്ന സന്ദര്ഭങ്ങളില് പി.സി.ആര് പരിശോധന നടത്തുകയും വേണമെന്നും അദ്ദേഹം ആവശ്യപ്പെട്ടു.
പ്രതികരിക്കാൻ ഇവിടെ എഴുതുക