തിരുവനന്തപുരം: ട്രാൻസ്ജെന്ഡര് അനന്യ കുമാരി അലക്സിന്റെ ആത്മഹത്യയില് എറണാകുളത്തെ റീനൈ മെഡിസിറ്റി ആശുപത്രിക്കെതിരെ അന്വേഷണം പ്രഖ്യാപിച്ച് സർക്കാർ. പരാതി കിട്ടി ആറുമാസത്തിന് ശേഷമാണ് നടപടി.
ആശുപത്രി അധികൃതരുടെ കുറ്റകരമായ അനാസ്ഥ മൂലം ശസ്ത്രക്രിയ പരാജയപ്പെട്ടതിനാലാണ് അനന്യ ആത്മഹത്യ ചെയ്തത്. ഇക്കാര്യത്തില് അന്വേഷണം നടത്തി വസ്തുതാ റിപ്പോര്ട്ട് സമര്പ്പിക്കണമെന്നാണ് ആരോഗ്യവകുപ്പ് അഡീഷണല് ഡയറക്ടര്ക്ക് നല്കിയിരിക്കുന്ന നിര്ദ്ദേശം.
ശസ്ത്രക്രിയ നടത്തിയ ആശുപത്രിക്കെതിരെ ഗുരുതര ആരോപണമുന്നയിച്ച് മണിക്കൂറുകൾക്കുള്ളിലാണ് അനന്യ ഇടപ്പള്ളിയിലെ ഫ്ലാറ്റിൽ തൂങ്ങി മരിച്ചത്.
ഒരു വർഷം മുമ്പ് ചെയ്ത ലിംഗമാറ്റ ശസ്ത്രക്രിയയെ തുടർന്ന് അനന്യയുടെ സ്വകാര്യ ഭാഗങ്ങളിൽ ഉണങ്ങാത്ത മുറിവുണ്ടായിരുന്നുവെന്ന് പോസ്റ്റ്മോർട്ടത്തിൽ കണ്ടെത്തിയിരുന്നു
പ്രതികരിക്കാൻ ഇവിടെ എഴുതുക