ബുദ്ധദേവ് ഭട്ടാചാര്യയ്ക്ക് നേരെ വിമർശനവുമായി ബിജെപി സംസ്ഥാന വക്താവ് സന്ദീപ് വാര്യര്. പത്മ പുരസ്കാരം നിഷേധിച്ച ബുദ്ധദേവ് ഭട്ടാചാര്യയുടെ നടപടിയ്ക്കെതിരെ ആയിരുന്നു വിമർശനം. ഭരണഘടന തൊട്ട് സത്യപ്രതിഞ്ജ ചെയ്ത ഒരു മുന് മുഖ്യമന്ത്രി രാഷ്ട്രത്തെ അവഹേളിക്കുന്ന നിലപാട് സ്വീകരിക്കാന് പാടില്ലായിരുന്നു എന്ന് അദ്ദേഹം ഫേസ്ബുക്കില് കുറിച്ചു.
പഞ്ചാബില് രണ്ടാം ഘട്ട സ്ഥാനാര്ഥി പട്ടിക പ്രഖ്യാപിച്ച് കോൺഗ്രസ്, പൂർണമായും അടങ്ങാതെ തർക്കം
സുകുമാര് അഴീക്കോടും പദ്മ അവാര്ഡ് തിരസ്കരിച്ചിട്ടുണ്ട്. പക്ഷേ ഭരണഘടന തൊട്ട് സത്യപ്രതിഞ്ജ ചെയ്ത ഒരു മുന് മുഖ്യമന്ത്രി രാഷ്ട്രത്തെ അവഹേളിക്കുന്ന നിലപാട് സ്വീകരിക്കാന് പാടില്ലായിരുന്നു. ചൈനയോ ക്യൂബയോ കൊടുക്കുന്ന പിഞ്ഞാണമായിരുന്നെങ്കില് ഉളുപ്പില്ലാതെ വാങ്ങിയേനെയെന്നും അദ്ദേഹം വിമർശിച്ചു.
നേരത്തെ, പത്മഭൂഷണ് നിരസിക്കുന്നു എന്ന് ബുദ്ധദേവ് അറിയിച്ചിരുന്നു. പാര്ട്ടിയുമായി ആലോചിച്ചാണ് തീരുമാനമെന്നും അദ്ദേഹം പ്രതികരിച്ചു. ബുദ്ധദേവ് ഭട്ടാചാര്യയുടെ പ്രസ്താവന സീതാറാം യെച്ചൂരി ട്വിറ്ററില് പങ്കുവച്ചു. മാത്രമല്ല, അദ്ദേഹം പുരസ്കാരം നിരസിക്കുന്നതായി കുടുംബത്തിലെ ആരെങ്കിലും അറിയിച്ചിട്ടില്ല എന്നും സര്ക്കാര് വൃത്തങ്ങള് പറഞ്ഞു.
പ്രതികരിക്കാൻ ഇവിടെ എഴുതുക