ഉക്രൈനില് നിന്നും പോളണ്ടിലേക്ക് പലായനം ചെയ്യുന്ന അഭയാര്ത്ഥികള്ക്കൊപ്പം കാല്നട യാത്രക്കാരനായി ഹോളിവുഡ് നടനും സംവിധായകനുമായ സീന് പെന്നും. താരം തന്നെയാണ് നടന്നു പോകുന്നതിന്റെ ചിത്രം ട്വീറ്ററില് പങ്കുവച്ചിരിക്കുന്നത്.
”ഞങ്ങളുടെ കാര് റോഡിനരികെ ഉപേക്ഷിച്ചതിന് ശേഷം ഞാനും രണ്ട് സഹപ്രവര്ത്തകരും പോളിഷ് അതിര്ത്തിയിലേക്ക് കിലോമീറ്ററുകള് നടന്നു” എന്നാണ് തന്റെ ചിത്രം പങ്കുവച്ചു കൊണ്ട് സീന് ട്വിറ്ററില് കുറിച്ചത്.
കഴിഞ്ഞ വ്യാഴാഴ്ചയാണ് റഷ്യന് അധിനിവേശത്തെ കുറിച്ചുള്ള ഡോക്യുമെന്ററിയുടെ ദൃശ്യങ്ങള് ചിത്രീകരിക്കാനായി ഓസ്കര് ജേതാവ് കൂടിയായ സീന് പെന് ഉക്രൈനിന്റെ തലസ്ഥാനമായ കീവില് എത്തിയത്.
പ്രതികരിക്കാൻ ഇവിടെ എഴുതുക