ഓട്സ് രുചിയ്ക്കൊപ്പം ഏത്തപ്പഴവും മുട്ടയും ചേർത്തൊരു പാൻ കേക്ക്.ഈ കുട്ടികള്ക്കും മുതിര്ന്നവര്ക്കും ഒരുപോലെ ഇഷ്ടമാകും.
*ചേരുവകൾ :*
• ഓട്സ് – 1 കപ്പ്
• മുട്ട – 1 എണ്ണം
• ഏത്തപ്പഴം – 1 എണ്ണം
• പാൽ – 3/4 കപ്പ്
• വാനില എസൻസ് – 1/2 ടീസ്പൂൺ
• ഉപ്പില്ലാത്ത ബട്ടർ (ഉരുക്കിയത്) – 1 ടേബിൾസ്പൂൺ
• ബേക്കിങ് പൗഡർ – 1 ടീസ്പൂൺ
• ഉപ്പ് – ഒരു നുള്ള്
തയാറാക്കുന്ന വിധം :
• ഒരു മിക്സർ ജാറിൽ ഓട്സ് പൊടിച്ചെടുക്കുക, ശേഷം മുട്ട, ഏത്തപ്പഴം, പാൽ, വനില എസൻസ്,
ബട്ടർ, ബേക്കിങ് പൗഡർ, ഒരു നുള്ള് ഉപ്പ് എന്നിവ ചേർത്തു വീണ്ടും നന്നായി അടിച്ചെടുക്കുക. ഇത് ഒരു
ബൗളിലേക്കു മാറ്റി ഒരു പാത്രം കൊണ്ട് അടച്ചുവച്ച് 10 മിനിറ്റു മാറ്റിവയ്ക്കുക.
• ഒരു തവ ചൂടാക്കിയ ശേഷം കുറച്ച് ബട്ടർ സ്പ്രെഡ് ചെയ്യുക. ഇതിലേക്ക് രണ്ട് ചെറിയ തവി ബാറ്റർ
ഒഴിച്ചുകൊടുത്ത് 1 – 2 മിനിറ്റു കുക്ക് ചെയ്ത് മറിച്ചിട്ട് വീണ്ടും ഒരു മിനിറ്റ് കുക്ക് ചെയ്ത് എടുത്തു
മാറ്റിവയ്ക്കുക. എല്ലാം ഇതുപോലെ തയാറാക്കി എടുക്കാം.
• മുകളിലായി കുറച്ച് ഫ്രഷ് ഫ്രൂട്ട്സും തേൻ അല്ലെങ്കിൽ മേപ്പിൾ സിറപ്പും ഒഴിച്ച് വിളമ്പാം.
പ്രതികരിക്കാൻ ഇവിടെ എഴുതുക