എറണാകുളം ഇടമലയാര് ഡാം ഇന്ന് രാവിലെ 10 മണിക്ക് തുറക്കും. ആദ്യം 50 ക്യുമെക്സ് ജലവും തുടർന്ന് 100 ക്യുമെക്സ് ജലവുമാണ് തുറന്നു വിടുക. എവിടെയെങ്കിലും അടിയന്തരസാഹചര്യം ഉണ്ടാവുന്ന പക്ഷം രക്ഷാപ്രവര്ത്തനത്തിന് വിന്യസിക്കാൻ 21 അംഗ എന്.ഡി.ആര്.എഫ് സേനയെ തയ്യാറാക്കി നിര്ത്തിയിട്ടുണ്ട്.
ഇടുക്കിക്കൊപ്പം ഇടമലയാര് ഡാമില് നിന്നുള്ള വെള്ളം കൂടിയെത്തുന്നതോടെ പെരിയാറില് ജലനിരപ്പുയരുമെങ്കിലും ആശങ്കപ്പെടേണ്ട സാഹചര്യം നിലവിലില്ലെന്ന് എറണാകുളം ജില്ലാ ഭരണകൂടം അറിയിച്ചു.
ആവശ്യമായ മുൻകരുതലുകളെല്ലാം സ്വീകരിച്ചിട്ടുണ്ടെന്നും ജനങ്ങൾ ജാഗ്രത പാലിക്കണമെന്നും ജില്ലാ കളക്ടര് ഡോ. രേണുരാജ് ആറിയിച്ചു.
പ്രതികരിക്കാൻ ഇവിടെ എഴുതുക