മുടികൊഴിച്ചിൽ ഒരാളെ ഏറ്റവുമധികം തകർത്തു കളയുന്ന ഒന്നാണ്. മുടി വളരാൻ ആവശ്യമായ ശിരോചർമ്മ വ്യവസ്ഥിതി നഷ്ടപ്പെടുമ്പോമ്പോഴാണ് മുടി കൊഴിച്ചിൽ ഉണ്ടാവുന്നത്. താരൻ, ശ്രദ്ധയില്ലാത്ത കേശ സംരക്ഷണം, പോഷക ലഭ്യത കുറവായ ഭക്ഷണരീതികൾ എന്നിവയെല്ലാം ഇതിൻറെ മറ്റു കാരണങ്ങളാണ്.
ഇന്ന് നമുക്ക് മുടികൊഴിച്ചിൽ തടയാനായി വീട്ടിൽ തന്നെ കണ്ടെത്താവുന്നതും ഒട്ടും ചിലവില്ലാത്തതുമായ ഒരു പ്രതിവിധിയെ പരിചയപ്പെടാം. മറ്റൊന്നുമല്ല. കറിവേപ്പില തന്നെ! നമ്മുടെ വീട്ടിലെ കറിക്കൂട്ടുകളിൽ ഒന്നായ കറിവേപ്പില മുടി കൊഴിച്ചിൽ തടയാൻ സഹായകമായ ഏറ്റവും മികച്ച ഒരു പ്രതിവിധിയാണെന്ന കാര്യം നിങ്ങൾക്കറിയാമോ?
നിങ്ങളുടെ ഭക്ഷണ വിഭവങ്ങളുടെ സ്വാദ് വർദ്ധിപ്പിക്കുന്ന ഈ വിദ്വാന് മുടികൊഴിച്ചിലിനെ ചെറുത്തു നിർത്താൻ ഉള്ള പ്രത്യേക കഴിവുണ്ട്. മിക്കവാറും എല്ലാ മലയാളികളുടെയും വീട്ടുമുറ്റത്തോ ടെറസിലോ ഒരു കറിവേപ്പില ചെടി കാണാനാകും. ഇതിൽ നിന്ന് കുറച്ചു ഇലകൾ നുള്ളിയെടുത്ത് അത് വേണ്ട വിധത്തിൽ ഉപയോഗിച്ചാൽ ഇത് നിങ്ങളുടെ മുടികൊഴിച്ചിൽ പ്രശ്നങ്ങൾ എളുപ്പത്തിൽ പരിഹരിക്കാൻ സഹായിക്കും.
തലമുടി സംരക്ഷണത്തിനായി വീട്ടിൽ തന്നെ കണ്ടെത്താവുന്ന ഏറ്റവും ചെലവുകുറഞ്ഞ വിദ്യകളിലൊന്നാണിത്. നിങ്ങളുടെ തലമുടിയിൽ അത്ഭുതങ്ങൾ സൃഷ്ടിക്കാൻ സാധിക്കുന്ന അസ്വാഭാവിക സവിശേഷതകൾ കറിവേപ്പില അടങ്ങിയിരിക്കുന്നു. ഈ ഇലകളിൽ വിറ്റാമിൻ സി, ഫോസ്ഫറസ്, ഇരുമ്പ്, കാൽസ്യം, നിക്കോട്ടിനിക് ആസിഡ് എന്നിവ അടങ്ങിയിട്ടുണ്ട്.
കറിവേപ്പില മുടി കേടുവരാതെ സംരക്ഷിക്കുന്നു
അമിതമായ പരിസര മലിനീകരണവും രാസവസ്തുക്കൾ ചേർത്ത് നിർമ്മിച്ചെടുക്കുന്ന കേശ സംരക്ഷണ ഉൽപ്പന്നങ്ങളുടെ ഉപയോഗവും ഒക്കെ നിറം മങ്ങിയതും, കേടുപാടുള്ളതും, ബലം ഇല്ലാത്തതുമായ മുടിയിഴകൾ സമ്മാനിക്കാൻ കാരണമാകുന്നു. അതുകൊണ്ടു തന്നെ എപ്പോഴും മുടികൊഴിച്ചിൽ രൂക്ഷമായിരിക്കുകയും ചെയ്യും.
കറിവേപ്പിലയിൽ അടങ്ങിയിരിക്കുന്ന അവശ്യ പോഷകങ്ങൾക്ക് ശിരോചർമത്തിലെ തലമുടിയെ പുനരുജ്ജീകരിക്കാൻ പ്രത്യേക കഴിവുണ്ട്. ഇത് ശിരോ ചർമ്മത്തിലെ മുടിവേരുകളിലേക്ക് ഓക്സിജനെ എത്തിക്കാൻ സഹായിക്കുന്നു.
ഇതിന്റെ പേസ്റ്റ് നിങ്ങൾക്ക് തലയോട്ടിയിൽ നേരിട്ട് പ്രയോഗിക്കാൻ കഴിയുന്ന ഒന്നാണ്. ഇത് നിങ്ങളുടെ മുടിവേരുകളിൽ ആഴ്ന്നിറങ്ങി മുടി തഴച്ചു വളരാൻ സഹായിക്കുന്നു. ആഹാരങ്ങളിൽ കറിവേപ്പില കൂടുതലായി ചേർത്തു കഴിക്കുന്നതും തലമുടിക്ക് ഗുണം ചെയ്യും.
മുടികൊഴിച്ചിലും മുടിയുടെ കട്ടി കുറയുന്നതും തടയുന്നു
ഉചിതമല്ലാത്ത ഭക്ഷണക്രമങ്ങൾ, പ്രോട്ടീനുകളുടെ അഭാവം, തെറ്റായ രീതിയിൽ മുടി ചീകുന്ന രീതികൾ എന്നിവയെല്ലാം കൊണ്ട് മുടി കൊഴിച്ചിൽ സംഭവിക്കാറുണ്ട്. ബീറ്റാ കരോട്ടിൻ, പ്രോട്ടീൻ എന്നിവയുടെ സമൃദ്ധമായ ഉറവിടമാണ് കറിവേപ്പിലകൾ. ഇത് മുടി കൊഴിച്ചിൽ കുറയ്ക്കാനും മുടിയുടെ വളർച്ചയെ വർദ്ധിപ്പിക്കാനും മികച്ച രീതിയിൽ സഹായിക്കും. അമിനോ ആസിഡുകളും ആന്റിഓക്സിഡന്റുകളും ഇവയിൽ അടങ്ങിയിട്ടുണ്ട്. ഇത് രോമകൂപങ്ങളെ ശക്തിപ്പെടുത്തുകയും തലയോട്ടിയിൽ ഈർപ്പം നിലനിർത്തുകയും ചെയ്യും. കറിവേപ്പില നിർജ്ജീവമായ ശിരോചർമ്മ കോശങ്ങളെ നീക്കം ചെയ്യാൻ സഹായിക്കും. ഇതുവഴി താരനെ തടഞ്ഞു നിർത്താൻ സാധിക്കുന്നു.
കറിവേപ്പിലയും വെളിച്ചെണ്ണയും
വെളിച്ചെണ്ണ നിങ്ങളുടെ മുടിക്ക് വളരെ നല്ലതാണെന്ന കാര്യം അറിയാമല്ലോ. വെളിച്ചെണ്ണ കറിവേപ്പിലയുമായി യോജിപ്പിച്ചുകൊണ്ട് ഒരു ഹെയർ ടോണിക്ക് അല്ലെങ്കിൽ ഹെയർ ഓയിൽ തയ്യാറാക്കാം.
ഒരു പാത്രത്തിൽ കുറച്ച് വെളിച്ചെണ്ണ എടുത്ത ശേഷം അതിൽ ഒരു പിടി കറിവേപ്പില കൂടി ചേർക്കുക. ഇലകൾ അതിലേക്ക് മുഴുവനായും അലിഞ്ഞു ചേരും വരെ അതായത് എണ്ണ കറുത്ത നിറമാകുന്നതുവരെ ചൂടാക്കുക.
തയ്യാറാക്കിയ ഈ ഹെയർ ഓയിൽ തണുക്കാൻ അനുവദിച്ച ശേഷം ശുദ്ധമായ ഒരു കുപ്പിയിൽ അടച്ചു സൂക്ഷിക്കുക. ഇടയ്ക്കിടയ്ക്ക് ഇതുപയോഗിച്ചു കൊണ്ട് നിങ്ങളുടെ തലയോട്ടിയിൽ നന്നായി മസാജ് ചെയ്യുക. തലമുടിയുടെ വേരു മുതൽ അറ്റം വരെ ഇത് തേച്ചു പിടിപ്പിക്കാൻ പ്രത്യേകം ശ്രദ്ധിക്കുക.
കുറച്ച് മണിക്കൂറുകൾ കാത്തിരുന്ന ശേഷം പതിവുപോലെ മുടി കഴുകി വൃത്തിയാക്കുന്നതാണ്. ഈ ഹെയർ ഓയിൽ നിങ്ങൾക്ക് വലിയ അളവിൽ തയ്യാറാക്കി ഭാവിയിലെ ഉപയോഗത്തിനായി എത്രനാൾ വേണമെങ്കിലും സൂക്ഷിക്കാവുന്നതാണ്.
പ്രതികരിക്കാൻ ഇവിടെ എഴുതുക