കാഞ്ഞിരപ്പള്ളി: കാഞ്ഞിരപ്പള്ളിയില് ഒന്നരവയസ്സുകാരി തിളച്ച പാല്വീണ് പൊള്ളലേറ്റ് മരിച്ച സംഭവത്തില്
സ്വകാര്യാശുപത്രിക്ക് നേരെ ഗുരുതര ആരോപണങ്ങളുമായി കുട്ടിയുടെ മാതാപിതാക്കള്.
ആരോഗ്യനില മോശമായിട്ടും മറ്റൊരു ആശുപത്രിയിലേക്കു മാറ്റുന്നതിന് ആശുപത്രി മാനേജ്മെന്റ് അനുവദിച്ചില്ല. ആംബുലന്സ് സൗകര്യവും ഓക്സിജനും സമയത്ത് ലഭിച്ചില്ലെന്നും മാതാപിതാക്കള് പറഞ്ഞു.
ചികിത്സ ആരംഭിച്ച് ദിവസങ്ങള്ക്കുള്ളില് അണുബാധ ആരംഭിച്ചെങ്കിലും മറ്റെവിടേക്കും മാറ്റേണ്ട സാഹചര്യമില്ലെന്നായിരുന്നു ആശുപത്രി അധികൃതരുടെ മറുപടി. ബുധനാഴ്ച അര്ധരാത്രിയോടെ കുട്ടിയുടെ നില വഷളാവുകയും ഓക്സിജന് നല്കുകയും ചെയ്തു.
അത്യാഹിത ഘട്ടമായിട്ടും ഓക്സിജന് വേര്പെടുത്തിയ ശേഷമാണ് കുട്ടിയെ ആംബുലന്സിലേക്ക് കയറ്റിയതെന്നും ആരോപണമുണ്ട്.
കാഞ്ഞിരപ്പള്ളി പാലമ്പ്ര സ്വദേശി പ്രിന്സ് തോമസിന്റെ മകള് സെറാ മരിയയുടെ മരണത്തിലാണ് ചികിത്സാപ്പിഴവെന്ന ആരോപണവുമായി കുടുംബാംഗങ്ങള് രംഗത്തെത്തിയത്.
പ്രതികരിക്കാൻ ഇവിടെ എഴുതുക