ഇന്ത്യയിൽ 5 ജിക്ക് ശേഷം അടുത്ത തലമുറ മൊബൈല് ടെക്നോളജി ഗവേഷണവും ആരംഭിക്കുന്നു . മുന്നോടിയായി 6ജി മാര്ഗ്ഗരേഖ പ്രധാനമന്ത്രി നരേന്ദ്ര മോദി പുറത്തിറക്കി.
അടുത്ത തലമുറ ടെലികോം ടെക്നോളജി അതിവേഗത്തില് നടപ്പിലാക്കുന്നതിന് ഉതകുന്ന പ്രവര്ത്തനങ്ങളാണ് മാര്ഗ്ഗരേഖയില് .
ആറാം തലമുറ മൊബൈൽ നെറ്റ്വർക്ക് ടെക്നോളജി ഇന്നൊവേഷൻ ഗ്രൂപ്പാണ് ഭാരത് 6ജി മാര്ഗ്ഗരേഖ തയ്യാറാക്കിയത്. മന്ത്രാലയങ്ങൾ,വകുപ്പുകൾ, ഗവേഷണ വികസന സ്ഥാപനങ്ങൾ, അക്കാദമികൾ, ടെലികോം സേവന ദാതാക്കൾ എന്നിവയിൽ നിന്നുള്ള അംഗങ്ങളാണ് ഈ സംഘത്തില് ഉള്ളത്.
ഇന്ത്യയിൽ 6ജി നടപ്പിലാക്കാനുള്ള പ്രവർത്തന പദ്ധതികളും, അനുബന്ധ സൗകര്യങ്ങളും വികസിപ്പിക്കാനുള്ള നിര്ദേശങ്ങള് ഈ സംഘം നല്കും.
ഈ പുതിയ 6ജി മാര്ഗ്ഗരേഖയ്ക്കൊപ്പം തന്നെ രാജ്യത്തെ അക്കാദമിക് സ്ഥാപനങ്ങളും ഗവേഷകരും വികസിച്ചുകൊണ്ടിരിക്കുന്ന 6ജി സാങ്കേതികവിദ്യകൾ പരിശോധിക്കുന്നതിനായി ഒരു പ്ലാറ്റ്ഫോം 6ജി ടെസ്റ്റ് ബെഡിനും പ്രധാനമന്ത്രി തുടക്കം കുറിച്ചു.
ഭാരത് 6 ജി വിഷൻ ഡോക്യുമെന്റും 6 ജി ടെസ്റ്റ് ബെഡും ഒത്ത് ചേര്ന്നാല് രാജ്യത്ത് വേഗത്തിലുള്ള 6ജി സാങ്കേതികവിദ്യ പ്രാപ്തമാക്കുന്ന അന്തരീക്ഷം സൃഷ്ടിക്കാന് കഴിയുമെന്നാണ് സര്ക്കാര് പ്രതീക്ഷിക്കുന്നത് എന്ന് പ്രധാനമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക