മാമ്പഴ പുളിശ്ശേരി
ആവശ്യമായ വിഭവങ്ങൾ
മാമ്പഴം നാല്, മഞ്ഞള്പ്പൊടി അര ചെറിയ സ്പൂണ്,
ഉപ്പ് ആവശ്യത്തിന്, ശര്ക്കര പാനി രണ്ടുവലിയ സ്പൂണ്,
പുളിയുള്ള തൈര് ഒന്നര ലീറ്റര്,
അരപ്പിന് – തേങ്ങ ചുരണ്ടിയത് ഒരു കപ്പ്,
ജീരകം രണ്ടു നുള്ള്, പച്ചമുളക് എട്ട് 10 എണ്ണം,
കടുക് വറുക്കാന് – നെയ്യ് ഒരു വലിയ സ്പൂണ്,
കടുക് ഒരു ചെറിയ സ്പൂണ്, കറിവേപ്പില രണ്ടു കതിര്പ്പ്,
വറ്റല്മുളക് അഞ്ച്, ഉലുവപ്പൊടി ഒരു നുള്ള്
തയാറാക്കുന്ന വിധം
മാമ്പഴത്തിന്റെ തൊലി കൈകൊണ്ടു ചീന്തിക്കളഞ്ഞ് ഒരു കല്ച്ചട്ടിയിലാക്കി മഞ്ഞള്പ്പൊടിയും ഉപ്പും ചേര്ത്തു നികക്കെ വെള്ളമൊഴിച്ചു വേവിക്കുക. വെള്ളം വറ്റാറായാല് ശര്ക്കരപാനി ചേര്ത്തു തിളപ്പിച്ചു വറ്റിക്കണം.
അരപ്പിനുള്ളവ നല്ല മയമായി അരച്ചു തൈരില് കലക്കി വറ്റിക്കിടക്കുന്ന കൂട്ടിലേക്ക് ചേര്ക്കുക. തുടര്ച്ചയായി ഇളക്കി തിളച്ചാലുടന് വാങ്ങുക. ഇറക്കി വച്ചിട്ടും അല്പനേരംകൂടി ഇളക്കികൊണ്ടിരിക്കണം. തൈര് പിരിയാതിരിക്കാനാണ് ഇത് ചെയ്യുന്നത്. ഇനി കടുകു വറുത്തിടാം. വറ്റല്മുളക് മുറിച്ചിടാന് പാടില്ല. ഒരു നുള്ള് ഉലുവപ്പൊടി ചേര്ത്ത് ഉപയോഗിക്കാം.
പ്രതികരിക്കാൻ ഇവിടെ എഴുതുക