ചിത്രീകരണത്തിന് എന്ന പേരില് വിളിച്ചു വരുത്തി തന്നെ ചതിക്കാന് ശ്രമിച്ചുവെന്നും ദൈവാനുഗ്രഹം കൊണ്ടാണ് രക്ഷപ്പെട്ടതെന്നും മറീന മൈക്കിൾ സോഷ്യല് മീഡിയയിലൂടെ തുറന്ന് പറഞ്ഞിരുന്നു. ഈ സംഭവത്തെക്കുറിച്ച് ഒരു ചാനലിൽ മനസ് തുറന്നിരുന്നു.
‘ഒരു ജ്വല്ലറിയുടെ പരസ്യം ഉണ്ടെന്ന് പറഞ്ഞ് എനിക്കൊരു കോള് വന്നു. ലാസ്റ്റ് മിനുറ്റില് ആര്ട്ടിസ്റ്റ് പിന്മാറി. അതിനാല് ഞാന് പറഞ്ഞ പ്രതിഫലമൊക്കെ അവര് ഓക്കെ പറഞ്ഞു. ഒരു ദിവസത്തെ ജോലിയായിരുന്നു. ഞാന് സമ്മതിച്ചു. അടുത്ത ദിവസം രാവിലെ മുതല് ഞാന് കാത്തു നില്ക്കുകയാണ്. എന്നെ വിളിച്ച വ്യക്തി ആദ്യം പറഞ്ഞത് ഫ്ളാറ്റിലേക്ക് പോവാമെന്നായിരുന്നു. കൊച്ചിയില് തന്നെയാണ്, ഞാന് നേരെ വന്നോളാം എന്ന് പറഞ്ഞു”
എഴ് മണി മുതല് ഞാന് കാത്തു നില്ക്കുകയാണ്. സാധാരണ പോകുമ്പോള് എവിടെയാണ് ഷൂട്ടെന്നൊക്കെ അമ്മയോട് പറഞ്ഞിട്ടാണ് പോകാറുള്ളത്. എവിടെയാണ് ഷൂട്ട് എന്ന് ചോദിച്ചിട്ട് ഇയാള് പറയുന്നില്ല. രണ്ട് മണിക്കൂര് ഒക്കെ എടുത്തിട്ട് ഒരു സ്ഥലം പറഞ്ഞു. ആ സ്ഥലത്ത് എവിടെയാണ് എന്ന് ചോദിച്ചപ്പോള് അതിപ്പോള് ചോദിക്കാം എന്ന് പറഞ്ഞ് പിന്നേയും അരമണിക്കൂര് കാത്തു നിര്ത്തിച്ചു.
സ്റ്റുഡിയോ ഏതാണെന്ന് ഞാനിപ്പോള് പറയാം എന്ന് അയാള് പറഞ്ഞ് ഫോണ് വച്ചു. പിന്നേയും കാത്തിരിപ്പായി. രാവിലെ പത്ത് മണി വരെ ഞാന് കാത്തു നിന്നു. ഇത് നടക്കില്ല എന്ന് ബോധ്യപ്പെട്ടപ്പോള് റിജക്ട് ചെയ്ത് ഞാന് പോയി.
ട്രെയിനിലിരിക്കുമ്പോള് ഞാന് അയച്ച മെസേജ് അയാള് മറ്റൊരു കുട്ടിയെ കണ്വിന്സ് ചെയ്യാന് ഉപയോഗിക്കും എന്ന് തോന്നി. ഇത് കാണിച്ചിട്ട് ഇവള് ലാസ്റ്റ് മിനുറ്റില് പോയി എന്ന് പറയാന് പറ്റുമല്ലോ എന്നാണ് മറീന ചോദിക്കുന്നത്. അങ്ങനെ എന്തെങ്കിലും പ്രശ്നം പറ്റിയാലോ എന്ന് കരുതിയാണ് ഞാന് സക്രീന്ഷോട്ട് ഫെയ്സ്ബുക്കിലിട്ടത്. സുഹൃത്തുക്കളാണത് വാര്ത്തയാക്കിയതെന്നും മറീന പറയുന്നു.
പ്രതികരിക്കാൻ ഇവിടെ എഴുതുക