ആര്ത്തവ കാലത്ത് ഉപയോഗിയ്ക്കാവുന്ന പല തരം ഉല്പന്നങ്ങള് ഇന്ന് വിപണിയിൽ ലഭ്യമാണ്. ഇതില് ഇപ്പോള് കൂടുതല് പ്രചാരത്തിലാകുന്ന മെന്സ്ട്രല് കപ്പ് മുതല് കൂടുതല് പേര് നേരത്തെ തന്നെ ഉപയോഗിച്ച് വരുന്ന സാനിറ്ററി പാഡുകളും ടാമ്പൂണുകളുമെല്ലാം തന്നെയുണ്ട്. ഇവയില് പലതും സുഗന്ധത്തോടെയാണ് ഇപ്പോള് ലഭ്യമാകുന്നത്. എന്നാല് സുഗന്ധമുള്ള ഇത്തരം പാഡുകളും ടാമ്പൂണുകളും ആരോഗ്യത്തിന് നല്ലതാണോ.
സുഗന്ധമുള്ള പാഡുകൾ സുരക്ഷിതമോ, ആരോഗ്യത്തിന് ഹാനികരമോ എന്നതെല്ലാം വിഷയങ്ങളാണ്. ഇത്തരം പാഡുകള് പലപ്പോഴും ശരീരത്തില് അസ്വസ്ഥതകളുണ്ടാക്കുന്നു. വജൈനല് ഭാഗത്തെ ചര്മം വളരെ സെന്സിറ്റീവാണ്. ഇതിനാല് തന്നെ ഇത്തരം പാഡുകളില് ഉപയോഗിച്ചിട്ടുള്ള വസ്തുക്കള് ചര്മത്തിന് അസ്വസ്ഥതകള് വരുത്തുന്നത് സാധാരണയാണ്. ഇത്തരം വസ്തുക്കള് വജൈനല് ഭാഗത്തെ ആരോഗ്യകരമായ പിഎച്ചിനെ ബാധിയ്ക്കാന് സാധ്യതയേറെയാണ്.
ഇത് ഈ ഭാഗത്തെ സ്വാഭാവിക ആരോഗ്യത്തെ ബാധിയ്ക്കുന്നു, ആരോഗ്യകരമായ ബാക്ടീരിയകളെ ബാധിയ്ക്കുന്നു. അണുബാധകള്ക്കടക്കം ഇത് വഴിയൊരുക്കുന്നു.
ഇത്തരം സുഗന്ധമുള്ള പാഡുകളും മറ്റും നിര്മിയ്ക്കുമ്പോള് ഇതിന് ഇത്തരം ഗുണം നല്കുന്നതിനായി ഉപയോഗിയ്ക്കുന്ന വസ്തുക്കളുടെ കാര്യത്തിലും പലരും വേണ്ട മാനദണ്ഡങ്ങള് പാലിയ്ക്കാറില്ല. ഈ സുഗന്ധത്തിനായി ഉപയോഗിയ്ക്കുന്നവയുടെ പേരോ ഗുണനിലവാരമോ ഇവര് പ്രസിദ്ധീകരിയ്ക്കാറുമില്ല. ഇതിനായി ദോഷകരമായ കെമിക്കലുകളാണോ ഉപയോഗിയ്ക്കുന്നത് എന്ന കാര്യത്തില് കാര്യമായ വിവരം ഉപഭോക്താക്കള്ക്ക് ലഭിയ്ക്കുകയുമില്ല.
ഇതിനാല് തന്നെയും സുഗന്ധമൊന്നുമില്ലാത്ത സാധാരണ കോട്ടന് പാഡുകളാണ് ആരോഗ്യത്തിന് ഏറെ നല്ലതെന്ന് തന്നെ പറയാം. ടോക്സിക് സിന്ഡ്രോം പോലുളള അവസ്ഥകള് തടയാന് കൂടുതല് നല്ലത് സുഗന്ധമില്ലാത്ത സാധാരണ കോട്ടന് പാഡുകള് തന്നെയാണ്.
പ്രതികരിക്കാൻ ഇവിടെ എഴുതുക