ഐസ്ക്രീം ഇഷ്ടമില്ലാത്തവരായി ആരുമുണ്ടാവില്ല. എന്നാൽ ഐസ്ക്രീമിന്റെ ഈ ഗുണങ്ങൾ എല്ലാവർക്കും അറിവുണ്ടാവണമെന്നില്ല. പ്രഭാതഭക്ഷണമായി ഐസ്ക്രീം കഴിക്കുന്നത് ആളുകളെ കൂടുതൽ മിടുക്കരും കൂടുതൽ
നന്നായി ജോലി ചെയ്യാൻ പ്രാപ്തരും ആക്കുമത്രേ. ഒരു സംഘം സന്നദ്ധ പ്രവർത്തകരിലാണ് പഠനം നടത്തിയത്.
ഇതിനായി ഒരു വിഭാഗം ആളുകൾക്ക് ഉണർന്നയുടൻ ഐസ്ക്രീം നൽകി തുടർന്ന് കുറച്ച് പസിലുകളും ചെയ്യാൻ ആവശ്യപ്പെട്ടു. മറ്റൊരു ഗ്രൂപ്പിന് സാധാരണപോലെ പ്രഭാതഭക്ഷണവും നൽകി. തുടര്ന്ന് ഇവരുടെ തലച്ചോറിന്റെ പ്രവർത്തനം അളന്നപ്പോൾ ഐസ്ക്രീം കഴിച്ചവരിൽ ഉയർന്ന ആവൃത്തിയിലുള്ള ആൽഫാ തരംഗങ്ങൾ ഉണ്ടായതായി കണ്ടു. ഇത് കൂടുതൽ ശ്രദ്ധാലു ആക്കുന്നതോടൊപ്പം മാനസിക അസ്വസ്ഥതകളെ കുറയ്ക്കുകയും ചെയ്യുന്നു.
അതേസമയം ഐസ്ക്രീം കഴിച്ച ഗ്രൂപ്പ് മികച്ച പ്രകടനം കാഴ്ചവച്ചപ്പോൾ തണുത്ത ഭക്ഷണം കഴിച്ചതു കൊണ്ടാണോ എന്നറിയാൻ മറ്റൊരു ഗ്രൂപ്പ് ആളുകൾക്ക് ഉണർന്നയുടൻ തണുത്ത വെള്ളം നൽകി പരീക്ഷണം ആവർത്തിച്ചെങ്കിലും ഐസ്ക്രീം കഴിച്ച ഗ്രൂപ്പിന്റെ അത്ര മെച്ചപ്പെട്ട പ്രകടനം കാഴ്ചവയ്ക്കാനായില്ല. 2005 ൽ ലണ്ടനിൽ നടത്തിയ പഠനത്തിൽ ഐസ്ക്രീം കഴിക്കുന്നത് ആളുകളിൽ സന്തോഷം ജനിപ്പിക്കുമെന്ന് തെളിഞ്ഞിട്ടുണ്ട്.
എന്നാല് ഇതിനൊരു മറുവശം കൂടിയുണ്ട്. പഞ്ചസാര ഉപദ്രവകാരിയാണ്. ദീർഘകാലം ഉപയോഗിച്ചാൽ വിഷാദത്തിനും തലച്ചോറിന്റെ പ്രവര്ത്തനങ്ങൾ കുറയാനും കാരണമാകും.
പ്രതികരിക്കാൻ ഇവിടെ എഴുതുക