മഞ്ഞൾ നമ്മൾ ദിവസവും പാചകത്തിൽ ഉപയോഗിക്കുന്നതാണ്. മഞ്ഞളിന് ഏറെ ഗുണങ്ങൾ ഉണ്ട്. എന്തൊക്കെ എന്ന് നോക്കാം.
മഞ്ഞൾ ചർമത്തിലുണ്ടാകുന്ന പല പ്രശ്‌നങ്ങൾക്കും ഒരു പ്രതിവിധിയാണ്. മുഖക്കുരു, കണ്ണിന് ചുറ്റുമുള്ള കറുത്തപാടുകൾ, വരണ്ട ചർമ്മം തുടങ്ങിയ പ്രശ്നങ്ങൾ മുതൽ സ്ട്രെച്ച് മാർക്കുകൾ വരെ പരിഹരിക്കുവാൻ മഞ്ഞൾ ഫലപ്രദമാണ്.
മഞ്ഞളിന്റെ ആൻറി ബാക്ടീരിയൽ, ആന്റിഓക്‌സിഡന്റ് ഗുണങ്ങൾ ചർമ്മത്തിന് തിളക്കം നൽകുകയും ദോഷകരമായ ബാക്ടീരിയകളെ ശരീരത്തിൽ നിന്ന് അകറ്റുകയും ചെയ്യുന്നു.
ശ്വാസകോശ പ്രശ്‌നങ്ങൾക്കും അലർജികൾക്കും എല്ലാം മഞ്ഞൾ മികച്ച ഔഷധമാണെന്നാണ് പഠനങ്ങൾ പറയുന്നത്.
രാവിലെ ഒരു ടീസ്പൂൺ മഞ്ഞൾ പൊടി ചെറുചൂടുള്ള വെള്ളത്തിൽ ചേർത്ത് കുടിക്കുന്നത് കഫം അലിയിക്കുകയും അങ്ങനെ കഫക്കെട്ട് ഇല്ലാതാക്കുകയും ചെയ്യും.
തൊണ്ടയിലെ അണുബാധ പോലുളള പ്രശനങ്ങൾക്കും ഇത് മികച്ചൊരു പരിഹാരമാണ്.
ദിവസവും ചൂടുപാലിൽ മഞ്ഞൾ ചേർത്ത് കുടിക്കുന്നത് കരളിന്റെ ആരോഗ്യത്തിന് സഹായകമാണ്. ദിവസവും മഞ്ഞൾ ഭക്ഷണത്തിൽ കലർത്തി കഴിക്കുന്നത് ദഹനവ്യവസ്ഥയെ ശക്തമാക്കാനും കരളിനെ ആരോഗ്യകരമാക്കാനും സഹായിക്കുന്നു.
പ്രതികരിക്കാൻ ഇവിടെ എഴുതുക