മുതലപ്പൊഴിയിൽ കർശന നിയന്ത്രണം കൊണ്ടുവരാൻ തീരുമാനം

തിരുവനന്തപുരം: മുതലപ്പൊഴിയിൽ നിയന്ത്രണം കൊണ്ടുവരാൻ തീരുമാനം. നിയന്ത്രണങ്ങൾ സംബന്ധിച്ച ശിപാർശ സർക്കാരിന് ഫിഷറീസ് ഡയറക്ടർ കൈമാറി.

മഴക്കാലമായതോടെ മുതലപ്പൊഴിയിൽ അപകടങ്ങൾ തുടരുന്ന പശ്ചാത്തലത്തിലാണ് നടപടി. കാലാവസ്ഥ മുന്നറിയിപ്പുള്ള ദിവസങ്ങളിൽ മത്സ്യതൊഴിലാളികൾ കടലിൽ പോകുന്നത് പൂർണമായി ഒഴിവാക്കണമെന്നാണ് നിർദേശം. ഇക്കാര്യം അധികൃതർ ഉറപ്പാക്കണമെന്നും ഫിഷറീസ് വകുപ്പ് നിർദേശിച്ചിട്ടുണ്ട്. മന്ത്രിതലത്തിൽ ചർച്ചകൾ നടത്തി വിഷയത്തിൽ അന്തിമതീരുമാനം എടുക്കണമെന്ന് ഫിഷറീസ് ഡയറക്ടർ അറിയിച്ചു.

വിഷയം മൽസയതൊഴിലാളുകളുമായും ഫിഷറീസ് വകുപ്പ് ചർച്ച നടത്തും. കാലാവസ്ഥാ മുന്നറിയിപ്പുകൾ നൽകുന്നുണ്ടെങ്കിലും അവ പാലിക്കപ്പെടുന്നില്ലെന്നാണ് ഫിഷറീസ് വകുപ്പ് പറയുന്നത്. തുടർന്നാണ് അടിയന്തര നടപടികൾ എടുക്കാനുള്ള തീരുമാനം.