സൂരി നായകനായി എത്തുന്ന ചിത്രമാണ് ഗരുഡൻ. മലയാളി താരം ഉണ്ണി മുകുന്ദനും ഈ ചിത്രത്തിൽ ഒരു പ്രധാന വേഷത്തിൽ എത്തുന്നുയെന്ന പ്രത്യേകതയുമുണ്ട്. ഇവര്ക്കൊപ്പം ഗരുഡനിലെ മറ്റൊരു പ്രധാനപ്പെട്ട കഥാപാത്രം അവതരിപ്പിക്കുന്നത് ശശികുമാറാണ്. ഇപ്പോഴിതാ ചിത്രത്തിന്റെ ട്രെയിലര് പുറത്തുവിട്ടിരിക്കുകയാണ് ചിത്രത്തിന്റെ അണിയറപ്രവർത്തകർ.
മെയ് 31നാണ് ഗരുഡന്റെ റിലീസ്. സൂരി പ്രധാന വേഷത്തിലെത്തുന്ന വെട്രിമാരന്റെ തിരക്കഥയില് ഉണ്ണി മുകുന്ദനും എത്തുമ്പോള് മലയാളി പ്രേക്ഷകരും വലിയ ആകാംക്ഷയിലാണ്. മലയാളി താരം ശിവദയും ഉണ്ണിക്ക് ഒപ്പമുണ്ട്. ദുരൈ സെന്തില് കുമാറാണ് ചിത്രത്തിന്റെ സംവിധാനം. ലാര്ക്ക് സ്റ്റുഡിയോസും ഗ്രാസ് റൂട്ട് സിനിമ കമ്പനിയും ചേര്ന്നാണ് നിര്മാണം. ആര്തര് വില്സണാണ് ഛായാഗ്രാഹണം നിര്വഹിക്കുക. യുവ ശങ്കര് രാജയാണ് സംഗീതം.
ഉണ്ണി മുകുന്ദന്റെ തുടക്കം തമിഴിലാണ്. മലയാളത്തിന്റെ ഹിറ്റായ നന്ദനത്തിന്റ റീമേക്ക് ചിത്രത്തില് മനോ രാമലിംഗമായി സീഡനിലാണ് ഉണ്ണി മുകുന്ദന്റെ നടനായുള്ള അരങ്ങേറ്റം. സുബ്രഹ്മണ്യം ശിവയായിരുന്നു സീഡന്റെ സംവിധാനം. ഉണ്ണി മുകുന്ദൻ ഇപ്പോള് രണ്ടാം തവണയാണ് തമിഴില് പ്രധാന വേഷത്തില് എത്താൻ ഒരുങ്ങുന്നത് എന്ന പ്രത്യേകതയുമുണ്ട് ഈ പ്രഖ്യാപിച്ച പ്രൊജക്റ്റിന്.
പ്രതികരിക്കാൻ ഇവിടെ എഴുതുക