കോഴിക്കോട്: അമീബിക് മസ്തിഷ്ക ജ്വരം സ്ഥിരീകരിച്ച സാഹചര്യത്തിൽ ഫാറൂഖ് കോളേജിന് അടുത്തുള്ള അച്ചൻകുളം അടച്ചു. കുളത്തിൽ കുളിച്ച 12-വയസ്സുകാരന് അമീബിക് മസ്തിഷ്ക ജ്വരം സ്ഥിരീകരിച്ചതോടെയാണ് നടപടി സ്വീകരിച്ചത്. ഫറോക്ക് മുനിസിപ്പാലിറ്റിയാണ് അച്ചൻകുളം അടച്ചത്. കുളത്തില് കുളിച്ച് ആറ് ദിവസത്തിന് ശേഷമാണ് കുട്ടിക്ക് രോഗ ലക്ഷണം കണ്ടത്. കുളത്തിലെത്തിയ മറ്റ് കുട്ടികളുടെ സാമ്പിളുകളും ആരോഗ്യ പ്രവര്ത്തകര് പരിശോധനയ്ക്ക് എടുത്തിട്ടുണ്ടണ്.
ചര്ദ്ദിയും തലവേദനയും അനുഭവപ്പെട്ടതോടെ കോഴിക്കോട്ടെ സ്വകാര്യ ആശുപത്രിയില് ചികിത്സയില് കഴിയുന്ന 12-വയസുകാരന് കഴിഞ്ഞദിവസമാണ് അമീബിക് മസ്തിഷ്ക ജ്വരം കണ്ടെത്തിയത്. ഫാറൂഖ് കോളേജിനടുത്ത് ഇരുമൂളിപ്പറമ്പ് സ്വദേശിയായ ബാലനാണ് ചികിത്സയില് കഴിയുന്നത്. കഴിഞ്ഞ തിങ്കളാഴ്ചയാണ് രോഗലക്ഷണങ്ങളുമായി കുട്ടിയെ ആശുപത്രിയില് പ്രവേശിപ്പിച്ചത്. കുട്ടിയുടെ നില അതീവ ഗുരുതരമാണെന്നാണ് ലഭ്യമാകുന്ന വിവരം.
കോഴിക്കോട്ടെ സ്വകാര്യ ആശുപത്രിയില് ചികിത്സയില് ഇരിക്കെ മരിച്ച പെണ്കുട്ടിയ്ക്ക് ഇതിന് മു ന്പ അമീബിക് മസ്തിഷ്ക ജ്വരം സ്ഥിരീകരിച്ചിരുന്നു. ജൂണ് 12-ന് മരിച്ച കണ്ണൂര് സ്വദേശിയായ 13 കാരിക്കാണ് മസ്തിഷ്കജ്വര ബാധ സ്ഥിരീകരിച്ചത്. സ്കൂളില്നിന്ന് മൂന്നാറിലേക്ക് പഠനയാത്ര പോയ സമയത്ത് കുട്ടി സ്വിമ്മിങ് പൂളില് കുളിച്ചിരുന്നു. ഇതാണ് രോഗബാധയിലേക്കാണ് നയിച്ചതെന്നാണ് പ്രാഥമിക നിഗമനം.
പ്രതികരിക്കാൻ ഇവിടെ എഴുതുക