നടന് ദിലീപിനെ നടനെന്ന രീതിയില് ഇഷ്ടമാണെന്നും ഡേറ്റ് കിട്ടിയാൽ തീര്ച്ചയായും സിനിമ ചെയ്യുമെന്നും സംവിധായകന് ഒമര് ലുലു. നടിയെ ആക്രമിച്ച കേസില് ദിലീപ് തെറ്റ് ചെയ്തു എന്നു കോടതിക്ക് തെളിഞ്ഞാൽ ശിക്ഷിക്കപ്പെടുമെന്നും ഇല്ലെങ്കിൽ കേസിൽ നിന്ന് കുറ്റവിമുക്തനാക്കുമെന്നും ഒമര് പറഞ്ഞു. എല്ലാവർക്കും എപ്പോഴും ശരി മാത്രം അല്ലല്ലോ തെറ്റും പറ്റാം. എല്ലാവരും മനുഷ്യൻമാർ അല്ലേ, തെറ്റ് സംഭവിക്കാൻ ഉള്ള സാഹചര്യം നമുക്ക് എന്താണെന്ന് അറിയില്ല. അതിൽ ഉൾപ്പെട്ടവർക്ക് മാത്രമേ അറിയു. അതുകൊണ്ട് സത്യം ജയിക്കട്ടെയെന്ന് ഒമര് ലുലു ഫേസ്ബുക്ക് കുറിപ്പില് പറഞ്ഞു.
ഒമർ ലുലു ദിലീപിനെ നായകനാക്കി അംബാനി എന്ന ചിത്രം നേരത്തെ പ്രഖ്യാപിച്ചിരുന്നു. അതിന്റെ തിരക്കഥാ രചന പൂര്ത്തിയായിട്ടില്ല. ‘ആന് ഒമര് ബിസിനസ്’ എന്ന തലക്കെട്ടോടെയാകും സിനിമ പുറത്തിറങ്ങുക.
ബാബു ആന്റണി വീണ്ടും ആക്ഷൻ ഹീറോ വേഷത്തിലെത്തുന്ന ‘പവർ സ്റ്റാർ’ ആണ് ഒമര് ലുലുവിന്റേതായി ഇനി പുറത്തിറങ്ങാനിരിക്കുന്ന ചിത്രം. പവര് സ്റ്റാറിന് ശേഷം ഒരു സിനിമ ചെയ്തുതീര്ക്കാനുണ്ടെന്നും അത് കഴിഞ്ഞാകും ദിലീപ് സിനിമയുടെ പണിപ്പുരയിലേക്ക് പ്രവേശിക്കുകയെന്നുമാണ് ഒമര് ലുലു അറിയിച്ചിരുന്നത്. അപൂർവരാഗം, ടൂ കണ്ട്രീസ്, ഫ്രൈഡേ എന്നീ സിനിമകള്ക്ക് തിരക്കഥ എഴുതിയ നജീംകോയ ആണ് ചിത്രത്തിന് തിരക്കഥ ഒരുക്കുക.
പ്രതികരിക്കാൻ ഇവിടെ എഴുതുക