ഏറെ പോഷകഗുണങ്ങള് അടങ്ങിയതാണ് മുട്ട എന്ന് നമുക്കറിയാം. തണുപ്പായാലും ചൂടായാലും അതായത് ഏതു കാലാവസ്ഥയിലും ദിവസവും മുട്ട കഴിയ്ക്കുക എന്ന പരസ്യം നമുക്കൊക്കെ പരിചിതമാണ്.
ഏതു പ്രായക്കാരും മുട്ട കഴിയ്ക്കണം. മുട്ടയില് അടങ്ങിയിരിയ്കുന്ന വിറ്റാമിനുകളും ധാതുക്കളും പല ആരോഗ്യ പ്രശ്നങ്ങളിൽ നിന്നും നമ്മെ അകറ്റി നിർത്തും. വളരുന്ന പ്രായത്തില് കുട്ടികള് ദിവസവും മുട്ട കഴിച്ചിരിയ്ക്കണം. മുട്ടയില് പ്രോട്ടീൻ ധാരാളമായി കാണപ്പെടുന്നു. ഇത് ആരോഗ്യത്തിന് മാത്രമല്ല, പേശികളെ ശക്തിപ്പെടുത്തുന്നതിനും ഏറെ സഹായിയ്ക്കുന്നു.
പ്രായഭേദമെന്യേ എല്ലാവരും മുട്ട കഴിയ്ക്കണം എങ്കിലും 40 കഴിഞ്ഞവര് ദിവസവും മുട്ട കഴിയ്കണം. അതായത്, വാർദ്ധക്യ പ്രശ്നങ്ങളെ മറികടക്കാൻ മുട്ട വളരെ ഉപയോഗപ്രദമാണ് എന്നാണ് ആരോഗ്യ വിദഗ്ധര് പറയുന്നത്.
40 വയസിനു ശേഷം ദിവസവും മുട്ട കഴിക്കുന്നതിന്റെ ഗുണങ്ങൾ
പ്രായം മുന്നോട്ടു പോകുന്നതനുസരിച്ച് നമ്മുടെ ശരീരം പല വിധത്തിലുള്ള ആരോഗ്യ പ്രശ്നങ്ങള് പ്രകടിപ്പിച്ചു തുടങ്ങും. ഇത്തരം ആരോഗ്യ പ്രശ്നങ്ങളില് ഏറ്റവും ഗുരുതരമായത് സന്ധി വേദനയാണ്. ദിവസവും മുട്ട കഴിയ്ക്കുന്നതുവഴി എല്ലുകൾക്ക് ബലം ലഭിക്കുകയും ഇതിലെ വിറ്റാമിൻ ഡിയും കാൽസ്യവും എല്ലുകളുടെ ആരോഗ്യം നിലനിർത്തുകയും ചെയ്യും
നമുക്കറിയാം, പ്രായം കൂടുന്തോറും മെറ്റബോളിസം ദുർബലമാകാൻ തുടങ്ങുന്നു. ദിവസവും ഒരു മുട്ട കഴിച്ചാൽ, മെറ്റബോളിസം ശക്തമാക്കാൻ സാധിക്കും.
പ്രായം വര്ധിക്കുന്നതനുസരിച്ച് ശരീരത്തിൽ അനീമിയ, അതായത് രക്തക്കുറവ് എന്ന പ്രശ്നം ഉടലെടുക്കുന്നത് സ്വാഭാവികമാണ്. ശരീരത്തിലെ ഇരുമ്പിന്റെ അഭാവമാണ് ഈ പ്രശ്നത്തിന് കാരണം. മുട്ടയ്ക്കുള്ളിൽ ധാരാളം ഇരുമ്പ് കാണപ്പെടുന്നു. ഈ അവസരത്തില് ദിവസവും ഒരു മുട്ട കഴിയ്ക്കുന്നത് ശരീരത്തിലെ രക്തത്തിന്റെ അഭാവം നികത്താൻ മാത്രമല്ല, അനീമിയ എന്ന പ്രശ്നത്തിൽ നിന്ന് ആരോഗ്യത്തെ സംരക്ഷിക്കാനും കഴിയും.
പ്രായം കൂടുമ്പോൾ ഹൃദയ സംബന്ധമായ പ്രശ്നങ്ങൾ ഉടലെടുക്കാം. 40 വയസിന് മുകളില് പ്രായമുള്ളവര് സ്ഥിരമായി മുട്ട കഴിച്ചാൽ ഹൃദയ സംബന്ധമായ പ്രശ്നങ്ങൾ തരണം ചെയ്യാന് സാധിക്കും.
പ്രതികരിക്കാൻ ഇവിടെ എഴുതുക