പുതിയ ഷെയര് ബട്ടണ് ആന്ഡ്രോയിഡ് ആപ്പില് അവതരിപ്പിച്ച് ഗൂഗിള്. ഈ അപ്ഡേഷനിലൂടെ സെര്ച്ച് റിസള്ട്ടില് വരുന്ന ലിങ്കുകള് തുറക്കാതെ തന്നെ ഷെയര് ചെയ്യാനുള്ള സംവിധാനമുണ്ടെന്നാണ് കമ്പനി വ്യക്തമാക്കിയത്. സാധാരണ സെര്ച്ച് റിസള്ട്ടില് വരുന്ന ലിങ്കുകള് ഓപ്പണ് ചെയ്ത് വെബ്സൈറ്റിലെ ഷെയര് ബട്ടണ് വഴിയാണ് ലിങ്കുകള് ഷെയര് ചെയ്യുന്നത്. പുതിയ അപ്ഡേഷന് വരുന്നതോടെ ഷെയറിംഗ് എളുപ്പമാകുമെന്നാണ് ഗൂഗിള് തരുന്ന വിലയിരുത്തല്.
ഏതെങ്കിലും ലിങ്കിന് മേല് ലോങ് പ്രസ് ചെയ്താല് ഷെയര് ഓപ്ഷന് ലഭിക്കും. ഇവിടെ നിന്ന് ലിങ്കുകള് കോപ്പി ചെയ്യുകയോ ഷെയര് ചെയ്യുകയോ ചെയ്യാം. ‘ആന്ഡ്രോയിഡ് പൊലീസ്’ സ്ഥാപകനായ ആര്ട്ടെം റുസാകോവ്സ്കിയാണ് ഈ വിവരം എക്സില് വെളിപ്പെടുത്തിയത്. ഇതിന്റെ സ്ക്രീന് ഷോട്ടുകളും റുസാകോവ്സ്കി എക്സില് ഷെയര് ചെയ്തിട്ടുണ്ട്. എല്ലാ ലിങ്കുകളും ഇതുപോലെ കോപ്പി ചെയ്യാനാകുമെന്ന പ്രതീക്ഷ വയ്ക്കരുത്. ഏതെങ്കിലും ആപ്പിലേക്ക് റീ ഡയറക്ട് ചെയ്യുന്ന ലിങ്കുകള് ഇങ്ങനെ കോപ്പി ചെയ്യാൻ സാധിക്കില്ല. വെബ് ഉപഭോക്താക്കള്ക്ക് സെര്ച്ച് റിസല്ട്ടിനൊപ്പമുള്ള ത്രീ ഡോട്ട് മെനുവില് നിന്ന് നേരിട്ട് ലിങ്കുകള് കോപ്പി ചെയ്യാനാകും. ലിങ്കുകള്ക്ക് മേല് റൈറ്റ് ക്ലിക്ക് ചെയ്താലും ലിങ്ക് അഡ്രസ് കോപ്പി ചെയ്യാനാവുമെന്ന പ്രത്യേകതയുമുണ്ട്.
ഗൂഗിള് സെര്ച്ചിന് പണമടയ്ക്കേണ്ടി വരുമെന്ന റിപ്പോര്ട്ട് അടുത്തിടെ പുറത്തുവന്നിരുന്നു. നിലവിലുള്ള സെര്ച്ച് എന്ജിനു പുറമെയാകും പണമടച്ച് ഉപയോഗിക്കേണ്ട സെര്ച്ച് എന്ജിന് അവതരിപ്പിക്കുന്നത്. പ്രീമിയം ഫീച്ചറുകളാകും ഗൂഗിള് സബ്സ്ക്രൈബര്മാര്ക്ക് നല്കുന്നത്. എഐയുടെ സഹായത്തോടെയുള്ള സെര്ച്ചായിരിക്കും പണമടയ്ക്കുന്ന സബ്സ്ക്രൈബര്മാര്ക്ക് ലഭിക്കുക.
പ്രതികരിക്കാൻ ഇവിടെ എഴുതുക