ഒന്റാറിയോ: പ്രശസ്ത കനേഡിയൻ സാഹിത്യകാരിയും നൊബേൽ സമ്മാന ജേതാവുമായ ആലിസ് മൺറോ (92) അന്തരിച്ചു. തിങ്കളാഴ്ച രാത്രി ഒൻ്റാറിയോയിലെ വീട്ടിൽ വെച്ചായിരുന്നു അന്ത്യം. ഒരു ദശാബ്ദത്തിലേറെയായി ഡിമെൻഷ്യ ബാധിച്ചിരുന്നു. സാഹിത്യ നൊബേല് നേടിയ പതിമൂന്നാമത്തെ വനിതയായ ആലിസിന് ‘കനേഡിയൻ ചെക്കോവ്’ എന്നും വിശേഷണമുണ്ട്. കാനഡയിലെ സാധാരണക്കാരുടെ കഥകളാണ് ആലിസ് മൺറോ ഏറെയും പറഞ്ഞത്.
കനേഡിയില് പ്രവിശ്യയായ ഒന്റാറിയോയിലെ വിന്ഗാമില് 1931 ജൂലായ് 10നാണ് ആലിസ് ജനിച്ചത്. 2013ലെ സാഹിത്യത്തിനുള്ള നൊബേല് സമ്മാനവും 2009ലെ മാന് ബുക്കര് സമ്മാനവും നേടിയിട്ടുണ്ട്.കൗമാരപ്രായത്തില് തന്നെ കഥകള് എഴുതാന് തുടങ്ങിയ മണ്റോ, വിദ്യാര്ഥിയായിരിക്കുമ്പോള് തന്നെ ആദ്യകഥ പ്രസിദ്ധീകരിച്ചു.
1968-ല് പുറത്തിറങ്ങിയ ഡാന്സ് ഓഫ് ദി ഹാപ്പി ഷെയ്ഡ്സ് എന്ന ചെറുകഥാ സമാഹാരമാണ് ആദ്യമായി പുറത്തിറങ്ങിയ പുസ്തകം. ആ വര്ഷം കനേഡിയന് സര്ക്കാരിന്റെ പുരസ്കാരവും ഈ പുസ്തകം നേടി. 2009-ൽ മാൻ ബുക്കർ സമ്മാനവും 2013-ൽ സാഹിത്യത്തിനുള്ള നോബേൽ സമ്മാനവും നേടി. ഡാൻസ് ഓഫ് ദി ഹാപ്പി ഷെയ്ഡ്സ് (1968), ലിവ്സ് ഓഫ് ഗേൾസ് ആൻഡ് വുമൺ (1971), ഹൂ ഡു യു തിങ്ക് യു ആർ ? (1978), ദി മൂൺസ് ഓഫ് ജൂപ്പിറ്റർ (1982), റണ്ണവേ (2004), ദി വ്യൂ ഫ്രം കാസിൽ റോക്ക് (2006), റ്റൂ മച്ച് ഹാപ്പിനെസ് (2009) എന്നിവയാണ് പ്രധാന കൃതികൾ.
പ്രതികരിക്കാൻ ഇവിടെ എഴുതുക