യുകെ വെയില്സില് നഴ്സുമാരുടെ ഒഴിവുകളിലേക്ക് നോര്ക്ക റൂട്ട്സ് റിക്രൂട്ട്മെന്റ് സംഘടിപ്പിക്കുന്നു. നഴ്സിങ്ങില് ബിരുദം അല്ലെങ്കില് ഡിപ്ലോമ- നഴ്സിങ് ആന്ഡ് മിഡ്വൈഫറി കൗണ്സില് രജിസ്ട്രേഷന് ഉണ്ടായിരിക്കണം. ആറുമാസത്തെ പ്രവൃത്തിപരിചയവും വേണം.
മെഡിക്കല്, സര്ജിക്കല്, എമര്ജന്സി, പീഡിയാട്രിക്, ന്യൂറോസര്ജറി, റീഹാബിലിറ്റേഷന്, പെരിഓപ്പറേറ്റീവ്, അല്ലെങ്കില് ജനറല് നഴ്സിങ് സ്പെഷ്യാലിറ്റികളിലെ പ്രവൃത്തിപരിചയമാണ് പരിഗണിക്കുക.സ്പീക്കിങ്, റീഡിങ്, ലിസണിങ് എന്നിവയില് ഐഇഎല്ടിഎസ് സ്കോര് ഏഴ് (റൈറ്റിങ്ങില് 6.5) അല്ലെങ്കില് സ്പീക്കിങ്, റീഡിങ്, ലിസണിങ് എന്നിവയില് ഒഇടിബിയും (റൈറ്റിങ്ങില് സി+) ശേഷി ഉണ്ടായിരിക്കണം.
ജൂണ് 6 മുതല് 8 വരെ എറണാകുളം ഹോട്ടല് താജ് വിവാന്തയിലാണ് അഭിമുഖവും തിരഞ്ഞെടുപ്പും. വിശദമായ സിവി, ഐഇഎല്ടിഎസ്/ഒഇടി സ്കോര് കാര്ഡ്, പാസ്പോര്ട്ടിന്റെ പകര്പ്പ് എന്നിവ സഹിതം [email protected], [email protected] ല് മെയ് 24 നകം അപേക്ഷിക്കണം. വിശദവിവരങ്ങള് www.norkaroots.org, www.nifl.norkaroots.org എന്നി വെബ്സൈറ്റുകളില് ലഭിക്കും.
ഐ.ഇ.എൽ.ടി.എസ്/ഒ.ഇ.ടി, സി.ബി.ടി, എൻ.എം.സി അപേക്ഷ ഫീസ്, വിസ, ഫ്ലൈറ്റ് ടിക്കറ്റ് എന്നിവക്ക് റീഇന്ബേഴ്മെന്റിന് അര്ഹതയുണ്ടാകും. യു.കെയില് വിമാനത്താവളത്തില് നിന്നും താമസസ്ഥലത്തേയ്ക്കുളള യാത്ര, ഒരു മാസത്തെ സൗജന്യ താമസം, ഒ.എസ്.സി.ഇ പരീക്ഷയുടെ ചെലവ് എന്നിവയും തിരഞ്ഞെടുക്കപ്പെടുന്നവര്ക്ക് ലഭിക്കും.
എൻ.എം.സി രജിസ്ട്രേഷന് മുന്പ് 25,524 പൗണ്ടും എൻ.എം.സി രജിസ്ട്രേഷന് ശേഷം ബാൻഡ് 5 ശമ്പള പരിധിയും (£28,834 – £35,099) 5,199 പൗണ്ട് മൂല്യമുള്ള 5 വർഷം വരെ സ്പോൺസർഷിപ്പിനും അര്ഹതയുണ്ടാകും. വിശദവിവരങ്ങള് www.norkaroots.org, www.nifl.norkaroots.org എന്നീ വെബ്സൈറ്റുകളില് ലഭിക്കും.
0471-2770536, 539, 540, 577 എന്നീ നമ്പറുകളിലോ 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്ഡ് കോള് സവീസ്) ബന്ധപ്പെടാം.
പ്രതികരിക്കാൻ ഇവിടെ എഴുതുക