ആലപ്പുഴ: കാറിനുള്ളിലെ സ്വിമ്മിംഗ് പൂള് ഒരുക്കി കുളിച്ചുള്ള യാത്രയ്ക്ക് പിന്നാലെ വ്ലോഗര് സഞ്ജു ടെക്കിക്കെതിരെ പോലീസ് കേസെടുക്കും. അലക്ഷ്യമായി വാഹനം ഓടിച്ചതിനാണ് സഞ്ജുവിനെതിരെ കേസ്. ആര്ടിഒയുടെ പരാതിയിലാണ് മണ്ണഞ്ചേരി പോലീസിന്റെ നടപടി. ആര്ടിഒ രജിസ്റ്റര് ചെയ്ത കേസ് സംബന്ധിച്ച റിപ്പോര്ട്ട് ആലപ്പുഴ കോടതിക്ക് ഇന്ന് കൈമാറും.
അതേസമയം, സഞ്ജു ടെക്കിക്ക് പണക്കൊഴുപ്പും അഹങ്കാരവുമാണെന്ന് ഗതാഗത മന്ത്രി കെ.ബി. ഗണേഷ് കുമാര് വിമർശിച്ചു. സഞ്ജുവിന്റെ മുന് യൂട്യൂബ് വീഡിയോകള് പരിശോധിക്കും. വണ്ടിയുമായി ബന്ധപ്പെട്ട ഇത്തരം വീഡിയോകളുണ്ടെങ്കില് കര്ശന നടപടിയെടുക്കുമെന്നും മന്ത്രി അറിയിച്ചു.
ഇനി ഇത്തരം പരിപാടികളുമായി റീച്ച് കൂട്ടാന് വരാത്തവിധത്തിലുള്ള നടപടികള് സ്വീകരിക്കും. പണമുള്ളവന് കാറില് സ്വിമ്മിങ് പൂള് നിർമിച്ചല്ല നീന്തേണ്ടത്. പണമുണ്ടെങ്കിൽ വീട്ടില് സ്വിമ്മിങ് പൂള് പണിയണം. ഭ്രാന്തന്മാര് സമനില തെറ്റി കാണിക്കുന്ന പണികൾ റീച്ച് ഉണ്ടാക്കിക്കൊടുക്കരുത്. മോട്ടോര് വാഹന വകുപ്പിനെതിരെയുള്ള വെല്ലുവിളി വേണ്ട. പഴയ കാലമല്ലെന്നും ഗണേഷ് കുമാര് മുന്നറിയിപ്പ് നൽകി.
വീഡിയോ റീച് കൂട്ടം വേണ്ടി ടാറ്റ സഫാരി കാറിന്റെ നടുവിലെ സീറ്റ് അഴിച്ചുമാറ്റി കുളമൊരുക്കി യാത്ര ചെയ്തതാണ് സഞ്ജുവിനെ വെട്ടിലാക്കിയത്. സഞ്ജുവിനും കൂട്ടുകാരൻ സൂര്യനാരായണനും എതിരെയാണ് നടപടികള്. കാര് പിടിച്ചെടുത്ത് രജിസ്ട്രേഷന് റദ്ദാക്കുകയും എം വി ഡി കേസെടുക്കുകയും ചെയ്തു.
പ്രതികരിക്കാൻ ഇവിടെ എഴുതുക